کارتک کو ’خاص کام ‘ کیلئے منتخب کیا گیا :دراوڑ

Updated: June 21, 2022, 1:53 PM IST | Agency | Bengaluru

ہیڈ کوچ نے کہا:کارتک کو گزشتہ ۲؍ یا ۳؍ برسوں میں اچھی کارکردگی کی بنیاد پر منتخب کیا گیا اور وہ ٹیم میں جگہ پانے کے مضبوط دعویدار ہیں

Dinesh Karthik. Picture:INN
دنیش کارتک۔ تصویر: آئی این این

ہندوستانی کرکٹ ٹیم کے ہیڈ کوچ راہل دراوڑ نے کہا ہے کہ ٹیم میں دنیش کارتک کے کردارکے سلسلے میں کہا کہ انہیں’’ایک خاص مہارت کے لئے‘‘منتخب کیا گیا ہے۔ تجربہ کار بلے باز کارتک نے راجکوٹ میں چوتھے  ٹی ۲۰؍ میں شاندار نصف سنچری (۵۵؍رن) اور سیریز کے دوران ۲؍  ناٹ آؤٹ  اننگز کے ساتھ اپنی عمدہ فارم کا مظاہرہ کیا۔ وہ مختصر ترین فارمیٹ میں نصف سنچری بنانے والے زیادہ عمر کے ہندوستانی بلے باز بھی بن گئے۔ جنوبی افریقہ کے خلاف سیریز کا پانچواں اور آخری میچ بارش کے نذر ہونے کے بعد دراوڑ نے کہا ’’انہیں (کارتک) کو ایک خاص مہارت کیلئے منتخب کیا گیا ہے اورانہیں گزشتہ ۲؍ یا ۳؍ برسوں میں  خاص طور پر اچھی کارکردگی کی بنیاد پر منتخب کیا گیا ہے۔ انہوں نے کہا’’راجکوٹ کے اس میچ میں، جب ہمیں آخری ۵؍ اوورس میں بڑی کارکردگی کی ضرورت تھی، ہمارا منصوبہ کام کر گیا۔ انہوں نے اور ہاردک پانڈیا نے خوبصورت بلے بازی کی۔ وہ دونوں آخری اوورس تک ہمارےاہم  بلے بازرہیں۔ وہ دنیا کے بہترین بلے بازوں کی طرح آخری ۵؍ یا ۶؍ اوورس کا فائدہ اٹھا سکتے ہیں۔ دراوڑ نے کارتک نے ٹیم میں شامل کئے جانے کے امکانا ت کے سلسلے میں کہا’’کارتک کو وہ کرتے ہوئے دیکھ کر بہت اچھا لگا جو انہیں کرنے کیلئے منتخب کیا گیا ہے۔ یہ یقینی طور پر ہمارے لئے بہت  اچھی بات ہے ۔ اس طرح کی اننگز کا مطلب ہے کہ وہ ٹیم میں اپنی جگہ کیلئے بہت مضبوط دعویٰ کر رہے ہیں۔‘‘ ہنداور جنوبی افریقہ کے درمیان پانچواں ٹی ۲۰؍ میچ بارش کے باعث منسوخ ہو گیا جس کے باعث سیریز۲۔۲؍سے برابر ہو گئی۔ سیریز کے دوران کپتان رشبھ پنت کی کارکردگی اچھی نہیں رہی، جس کی وجہ سے ان پر بھی سوال اٹھائے گئے لیکن ہندوستانی ہیڈ کوچ راہل دراوڑ نے رشبھ پنت کی حمایت کرتے ہوئے کہا کہ وہ ٹیم انڈیا کے بیٹنگ آرڈر کا `اٹوٹ حصہ  ہیں۔ ٹیم انڈیا کے ہیڈ کوچ دراوڑنے کہا’’جب آپ لوگوں کو درمیانی اوورس میں تھوڑا سا زیادہ جارحانہ انداز میں کھیلنے اور کھیل کو تھوڑا آگے لے جانے کیلئے کہہ رہے ہیں تو کبھی کبھی ۲؍ یا ۳؍ میچوں کی بنیاد پر فیصلہ کرنا مشکل ہوتا ہے۔ ہوسکتا ہے کہ وہ اوسطاً اچھا نہ لگے لیکن ان کا اسٹرائیک ریٹ واقعی اچھا تھا۔ وہ اسے تھوڑا سا اٹھانا چاہتا تھا - جہاں وہ شاید ۳؍ سال پہلے تھا۔‘‘
 دراوڑ نے مزید کہاکہہمیں امید ہے کہ ہم اس سے بین الاقوامی سطح پر بھی ایسے نمبر حاصل کر سکتے ہیں۔ اس عمل میں  وہ چند میچوں میں غلط ہو سکتا ہے۔ لیکن وہ ہماری بیٹنگ لائن اپ کا لازمی حصہ ہیں۔ ہم جانتے ہیں کہ وہ اپنی طاقت سے کیا کرتا ہے۔ یہ حقیقت کہ وہ بائیں ہاتھ سے کھیلتے ہیں۔  ہمارے لئے  درمیانی اوورس میں بھی بہت اہم ہے۔ انہوں نے کچھ اچھی اننگز کھیلی ہیں۔ یقیناً ذاتی طور پر وہ مزید چند رن بنانا پسند کرتےلیکن یہ تشویش کا باعث نہیں ہے۔ ہمارے لئےیہ یقینی طور پر اگلے چند مہینوں میں ہمارے منصوبوں کا ایک بہت بڑا حصہ ہے۔

متعلقہ خبریں

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK