دونوں فٹبال کلبوں کی جانب سے گول نہیں ہوا۔ لیورپول کے اسٹار کھلاڑی بہتر کارکردگی پیش کرنے میں ناکام
EPAPER
Updated: September 04, 2022, 10:01 AM IST | liverpool
دونوں فٹبال کلبوں کی جانب سے گول نہیں ہوا۔ لیورپول کے اسٹار کھلاڑی بہتر کارکردگی پیش کرنے میں ناکام
انگلش پریمیر لیگ (ای پی ایل ) کے اس سیزن میں لیورپول کی قسمت اس کا ساتھ نہیں دے رہی ہے۔ سنیچر کی شام ہونے والے میچ میں لیورپول ڈربی میچ میں اسے ۲؍پوائنٹس کا نقصان اٹھانا پڑا۔ پریمیر لیگ کا میچ بغیر گول کے ختم ہوا اور دونوں فٹبال کلبوں کو ایک ایک پوائنٹ پر اکتفا کرنا پڑا۔
سنیچر کو ہونےوالے میچ میں لیورپول کے اسٹارس کھلاڑی جن میں محمدصلاح، رابرٹو فرمینو اور ورجل وین دایک بھی شامل تھے ، جدوجہد کرتے ہوئے نظرآئے۔ ایورٹن فٹبال کلب کی ٹیم نے ان سبھی کھلاڑیوں کو گول کرنے کے مواقع نہیں دیئے۔ اس میچ میں محمد صلاح نے گول کرنے کے کئی مواقع پیدا کئے تھے لیکن ایورٹن کا دفاع مضبوط تھا اس لئے انہیں کامیابی نہیں ملی۔ حالانکہ اس میچ میں ایورٹن کی جانب سے ایک گول ہوا تھا لیکن ریفری نے اسے مسترد کردیا۔
میچ کے ۶۹؍ویں منٹ میں ایورٹن کی جانب سے سی کوڈی نے ایک گول کیا تھا تاہم ویڈیواسسٹنٹ ریفری (وی اے آر ) میں دیکھنے کے بعد اس گول کو ریفری نے مسترد کردیاجس کے بعد لیورپول کو ۳؍پوائنٹس کا نقصان ہوتے ہوتے رہ گیا۔ ورنہ میچ کے آخر میں اسکور صفر۔ ایک ہوسکتا تھا اور لیورپول کی شکست یقینی تھی۔
اس ڈرا کے بعد لیورپول کی ٹیم ۵؍ویں پوزیشن پر تھی اور اس کے ٹیبل پر ۶؍میچوں میں ۹؍ پوائنٹس تھے۔ اس سیزن کے آغاز میں لیورپول کی ٹیم اپنے نام کے مطابق بہتر کارکردگی پیش نہیں کررہی ہے۔ اس کے کھلاڑیوں کو گول کرنے کیلئے جدوجہد کرنی پڑرہی تھی۔ سادیو مانے کے جانے کے بعد ٹیم کمزور نظرآرہی ہے۔