ڈیرن اور ڈوین براوو برادران کی گیند اور بلے کے ساتھ بہترین کارکردگی اور کپتان کیرون پولارڈ کی آل راؤنڈ کارکردگی نے ٹرنباگو نائٹ رائڈرس کو یہاں ہیرو کیریبین پریمیر لیگ (سی پی ایل) میں لگاتار نویں کامیابی درج کرانے کا موقع دیا ۔

  ڈیرن اور ڈوین براوو برادران کی گیند اور بلے کے ساتھ بہترین کارکردگی اور کپتان کیرون پولارڈ کی آل راؤنڈ کارکردگی نے ٹرنباگو نائٹ رائڈرس کو یہاں ہیرو کیریبین پریمیر لیگ (سی پی ایل) میں لگاتار نویں کامیابی درج کرانے کا موقع دیا ۔ڈیرن براوو نے  سینٹ لوسیا زوکس کے خلاف ۴۲؍ گیندوں میں ۵۰؍رنز بنائے تھے جبکہ پولارڈ نے ۴۲؍  رن کی شراکت میں ٹرنباگو نائٹ رائیڈرز کو پانچ وکٹوں پر ۱۷۵؍ رنز بنانے میں مدد کی تھی جو اب اس کا مسلسل تیسرا مجموعی بڑا اسکور ۱۷۰؍  رنز سے زیادہ ہے۔ اس کے بعد انہوں نے ۲۳؍ رنز سے اسکور کا دفاع بھی کیا۔ اس کے بعد ڈیرن کے بڑے بھائی ڈوین (۲۶؍ رن پر ۲؍ وکٹ)، اپنے کپتان پولارڈ (۳۵؍ رن پر ۳؍ وکٹ)کا ساتھ نبھاتے ہوئے زوکس کی ٹیم کو سات وکٹوں پر ۱۵۲؍ رن پر ہی روک دیا ۔ٹرینباگو نے سنیل نارائن کو آرام دیا۔ اوپنرز لینڈس سیمنس اور ٹیون ویبسٹر نے سست آغاز کیا۔ سمنز ایک چھکا لگا سکے اور وکٹ کیپر کو کیچ دے کر پویلین پہنچ گئے۔ محمد نبی کا دوسرا اوور ۱۳؍رنز کے ساتھ مہنگا ثابت ہوا۔ ٹم سیفرٹ نے کیسریک ولیمز کی  نوبال پر ملی فری ہٹ پر ایک چھکا لگایا۔سیفرٹ نے کولن منرو کے ہاتھ میں فریکچر کی وجہ سے تیسرے نمبر پر بیٹنگ کی کیونکہ نائٹ رائیڈرز کی ٹیم نے پاور پلے میں ایک وکٹ پر ۴۷؍ رنز بنائے۔ ویبسٹر کی اننگز بھی جلد ختم ہوگئی۔ سیفرٹ نے ۳۳؍رنز کی شراکت کی جبکہ براوو نے ۴۲؍گیندوں میں ایک چوکے اور تین چھکوں کی مدد سے ۵۰؍رنز بنائے۔پولارڈ نے ۲۱؍گیندوں میں تین چوکوں اور تین چھکوں کی مدد سے ۴۲؍رن کی شاندار اننگز کھیلی۔ ٹرینباگو نائٹ رائیڈرز نے آخری چار اوورز میں ۵۴؍ رنز بنائے  ۔ اس ہدف کا تعاقب کرتے ہوئے زوکس کی ٹیم سات وکٹوں پر صرف ۱۵۲؍رن ہی بنا سکی جس کے لئے مارک دیال نے ۴۰؍ اور آندرے فلیچر نے ۴۲؍رنز بنائے۔  دوسرے میچ میں جیسن ہولڈر کے ۶۹؍رنز کی مدد سے بارباڈوس ٹرائڈنٹس نے جمیکا تلاواز کو سات وکٹوں سے شکست دی۔ جمیکا نے چار وکٹ پر ۱۶۱؍ رنز بنائے جو ٹرائیڈنٹس نے۱۰؍گیندیں باقی رہتے  حاصل کرلیا۔واضح رہے کہ اس میچ میں آندرے رسل نے ۲۸؍گیندوں پر ۵۴؍رنز کی اننگز کھیلی ۔ ان کی اننگز کی مدد سے ٹیم مقررہ۲۰؍ اوورز میں۱۶۱؍ رنز بنانے میں کامیاب رہی۔ ان کی اننگز میں پانچ چوکے اور چار چھکے شامل تھے۔ ان کے علاوہ جرمین بلیک ووڈ نے ٹیم کے لئے ۷۴؍ رنز کی ٹاپ اننگز کھیلی۔