Inquilab Logo

عالمی چمپئن شپ:نکہت زرین کا شاندار آغاز،آذربائیجان کی مکے باز کو ہرادیا

Updated: March 17, 2023, 1:50 PM IST | New Delhi

ندوستان کی  اسٹار مکے باز نکہت زرین نے جمعرات کو ورلڈ  ویمینز باکسنگ چمپئن شپ میں آذربائیجان کی اناخانم اسماعیلوا کو آر ایس سی (ریفری اسٹاپیج) کے ذریعے شکست دے کر اپنی مہم کا شاندار آغاز کیا۔

Indian boxer Nikhat Zareen (right) punches an opposing boxer. (PTI)
ہندوستانی مکے باز نکہت زرین(دائیں)مخالف باکسر پر پنچ لگاتے ہوئے۔(پی ٹی آئی)

ہندوستان کی  اسٹار مکے باز نکہت زرین نے جمعرات کو ورلڈ  ویمینز باکسنگ چمپئن شپ میں آذربائیجان کی اناخانم اسماعیلوا کو آر ایس سی (ریفری اسٹاپیج) کے ذریعے شکست دے کر اپنی مہم کا شاندار آغاز کیا۔ نکہت، جو ٹورنامنٹ کے آغاز میں خطاب کے مضبوط دعویدار تھیں، نے گھریلو مداحوں کو مایوس نہیں کیا۔  ۲۰۲۲ء کے دولت مشترکہ کھیلوں میں طلائی تمغہ جیتنے والی  نکہت کو ۵۰؍کلوگرام کے زمرے میں اپنی حریف کو زیر کرنے میں کچھ وقت لگا لیکن ایک بار جب وہ آذربائیجان کی باکسر کے کھیل کو سمجھ گئیں تو پیچھے مڑ کر نہیں دیکھا۔
  دفاعی چمپئن ہونے کے باوجود، غیر سیڈڈ نکہت زرین نے یہاں جارحانہ انداز میں اپنی حریف پر مکے برسائے۔ ہندوستانی باکسر کا ایسا غلبہ تھا کہ ریفری نے  خانم کو ۳؍ کی گنتی پر وقت دیا اور پھر دوسرے راؤنڈ میں ہی فائٹ روک دی۔ چمپئن شپ میں غیر سیڈ ہونے پر  نکہت نے کہا ’’یہ کوئی مسئلہ نہیں ہے۔ یہ قرعہ اندازی پر منحصر ہے اور کوئی بھی سیڈ حاصل کر سکتا ہے۔ اس سے کوئی فرق نہیں پڑتا لیکن میرا ڈرا اچھا ہے اور مقابلہ آگے بڑھنے کے ساتھ ساتھ مجھے سخت  حریفوں کا سامنا کرنا پڑے گا۔‘‘  واضح رہے کہ نکہت  کا اگلا مقابلہ ٹاپ سیڈ اور ۲۰۲۲ءکی افریقی چمپئن رومیسا بولام سے ہوگا۔ ان کے تعلق سے نکہت نے کہا ’’ `میں اس باکسر کو جانتی ہوں لیکن  ان کے خلاف کبھی نہیں کھیلی۔ مجھے خوشی ہے کہ میں نے ہندوستان کیلئے پہلا مقابلہ لڑا  اور کامیاب ہوئی ۔ امید کرتی ہوں کہ میں  چمپئن شپ کا اختتام اچھی طرح کروں گی۔ ایک دیگر مقابلے میں،  ساکشی (۵۲؍کلوگرام) نے پہلے راؤنڈ میں کولمبیا کی مارٹنیز ماریا جوس کو  پانچ صفر سے شکست دے کر پری کوارٹر فائنل میں جگہ بنا لی۔

boxing Tags

متعلقہ خبریں

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK