اس میں موجود لیکٹک ایسڈ جلد کی صفائی اور چمک کو بہتر بناتا ہےجبکہ اس کا باقاعدہ استعمال کیل مہاسے ختم کرسکتا ہے۔

چھاچھ (Buttermilk) ایک انتہائی سادہ، سستا اور صحت بخش مشروب ہے جو خاص طور پر گرم موسم میں بہت فائدہ دیتا ہے۔ یہ دہی کو پھینٹ کر پانی ملا کر بنایا جاتا ہے اور اس میں قدرتی طور پر پروبائیوٹکس، وٹامنز اور معدنیات پائے جاتے ہیں۔ 
چھاچھ معدے کو ٹھنڈا رکھ کر خوراک کو آسانی سے ہضم کرنے میں مدد دیتی ہے۔ 
اس میں موجود پروبائیوٹکس آنتوں کی حرکت بہتر کرتے ہیں اور قبض دور کرتے ہیں۔ 
سینے کی جلن میں آرام دیتی ہے۔ 
چھاچھ گرمی کے اثرات سے بچاتی ہے اور لو لگنے کے خطرے کو کم کرتی ہے۔ 
اس میں پانی اور نمکیات ہوتے ہیں جو جسم کو دیر تک ہائیڈریٹ رکھتے ہیں۔ 
چھاچھ کم کیلوریز ہونے کی وجہ سے ڈائٹ کرنے والوں کیلئے بہترین مشروب ہے۔ 
جگر کے افعال بہتر بنا کر جسم سے زہریلے مادے نکالنے میں مدد دیتی ہے۔ 
اس میں موجود بیکٹیریا جسم کے مدافعتی نظام کو مضبوط کرتے ہیں۔ 
جلد کو صاف اور چمکدار بناتی ہے، اندرونی صفائی سے جلد پر بھی اچھا اثر پڑتا ہے۔ 
چھاچھ معدے کو سکون دے کر ذہنی سکون اور بہتر نیند میں مدد دیتی ہے۔ 
یہ تھکن اور کمزوری دور کرتی ہےاورجسم کو فوری توانائی اور تازگی فراہم کرتی ہے۔