اگر انڈا زیادہ پرانا یا خراب ہو جائے تو اس کے اندر بیکٹیریا پیدا ہونے لگتے ہیں۔ یہ بیکٹیریا انڈے کے اندر موجود مادّوں کو توڑ کر مختلف گیسیں پیدا کرتے ہیں۔

انڈا ہماری روزمرہ خوراک کا ایک اہم حصہ ہے اور تقریباً ہر گھر میں استعمال ہوتا ہے۔ لوگ عموماً انڈے کی تازگی جانچنے کیلئے اسے پانی میں ڈال کر دیکھتے ہیں۔ بعض انڈے فوراً ڈوب جاتے ہیں جبکہ کچھ سطح پر تیرنے لگتے ہیں۔ کیا آپ نے کبھی غور کیا کہ خراب یا پرانے انڈے پانی پر تیرتے ہیں، کیوں ؟
انڈے کی ساخت اور ابتدائی حالت 
تازہ انڈے کے اندر زردی، سفیدی اور ایک بہت چھوٹا سا ہوا کا خانہ موجود ہوتا ہے۔ انڈے کا چھلکا اگرچہ سخت محسوس ہوتا ہے، لیکن اس میں بے شمار باریک سوراخ ہوتے ہیں جن سے ہوا اور نمی کا تبادلہ ممکن ہوتا ہے۔ تازہ انڈے میں ہوا کی مقدار بہت کم ہوتی ہے، اس لئے اس کی مجموعی کثافت پانی سے زیادہ رہتی ہے۔ یہی وجہ ہے کہ تازہ انڈاپانی میں ڈالنے پر فوراً نیچے بیٹھ جاتا ہے۔ 

یہ بھی پڑھئے : شملہ مرچ قدرتی توانائی اور تازگی فراہم کرتی ہے

پرانے انڈے میں ہوا کا بڑھ جانا
وقت گزرنے کے ساتھ انڈے کے اندر موجود نمی اور کچھ گیسیں ان باریک سوراخوں کے ذریعے باہر نکلنے لگتی ہیں۔ جب نمی کم ہوتی ہے تو اندر خالی جگہ بڑھ جاتی ہے اور اس میں ہوا جمع ہونے لگتی ہے۔ یوں انڈے کے اندر موجود ہوا کا خانہ آہستہ آہستہ بڑا ہو جاتا ہے۔ جب ہوا زیادہ ہو جائے تو انڈے کی کثافت کم ہو جاتی ہے اور وہ پانی میں اوپر اٹھنے لگتا ہے۔ 
خراب انڈے کے تیرنے کی اصل وجہ
اگر انڈا زیادہ پرانا یا خراب ہو جائے تو اس کے اندر بیکٹیریا پیدا ہونے لگتے ہیں۔ یہ بیکٹیریا انڈے کے اندر موجود مادّوں کو توڑ کر مختلف گیسیں پیدا کرتے ہیں جیسے سلفر والی بدبو دار گیسیں۔ ان گیسوں کی وجہ سے انڈے کے اندر ہوا اور خالی جگہ مزید بڑھ جاتی ہے۔ نتیجتاً انڈا ہلکا محسوس ہونے لگتا ہے اور سطح پر تیرنے لگتا ہے۔ اس مرحلے پر انڈا اکثر بدبودار اور کھانے کے قابل نہیں رہتا۔ 

یہ بھی پڑھئے : ثبات اسلامبولی: شام کی پہلی خاتون ڈاکٹر اور تعلیم نسواں کی علمبردار

پانی میں انڈے کی حالت سے تازگی پہچاننا
پانی کے تجربے میں انڈے کی مختلف حالتیں اس کی تازگی ظاہر کرتی ہیں جیسے اگر انڈا مکمل طور پر نیچے بیٹھ جائے تو وہ تازہ ہوتا ہے۔ اگر انڈا نیچے تو رہے لیکن ایک طرف سے اوپر اٹھ جائے تو وہ کچھ پرانا ہے مگر استعمال کے قابل ہو سکتا ہے۔ اگر انڈہ پانی کی سطح پر تیرنے لگے تو وہ زیادہ پرانا یا خراب ہو چکا ہوتا ہے اور اسے استعمال نہیں کرنا چاہئے۔ 
سائنسی اصول: کثافت 
اس پورے عمل کے پیچھے بنیادی سائنسی اصول ’’کثافت‘‘ ہے۔ جس چیز کی کثافت پانی سے زیادہ ہو وہ پانی میں ڈوب جاتی ہے، اور جس کی کم ہو وہ تیرنے لگتی ہے۔ تازہ انڈے کی کثافت زیادہ ہوتی ہے کیونکہ اس میں ہوا کم ہوتی ہے۔ پرانے انڈےکثافت کم ہوتی ہے۔