ہالی ووڈ کے معروف اداکار وِل اسمتھ نے آسکر ایوارڈ کے تھپڑ معاملے کے بعد پہلا انٹرویو دیاہے۔ اس معاملے کو کافی دن گزرچکے ہیں اور اب تک ول اسمتھ اسی باعث ذرائع ابلاغ کے نمائندوں سے فاصلہ بنائے ہوئے تھے ۔
EPAPER
Updated: December 01, 2022, 11:49 AM IST | Mumbai
ہالی ووڈ کے معروف اداکار وِل اسمتھ نے آسکر ایوارڈ کے تھپڑ معاملے کے بعد پہلا انٹرویو دیاہے۔ اس معاملے کو کافی دن گزرچکے ہیں اور اب تک ول اسمتھ اسی باعث ذرائع ابلاغ کے نمائندوں سے فاصلہ بنائے ہوئے تھے ۔
ہالی ووڈ کے معروف اداکار وِل اسمتھ نے آسکر ایوارڈ کے تھپڑ معاملے کے بعد پہلا انٹرویو دیاہے۔ اس معاملے کو کافی دن گزرچکے ہیں اور اب تک ول اسمتھ اسی باعث ذرائع ابلاغ کے نمائندوں سے فاصلہ بنائے ہوئے تھے ۔ انہوں نے اپنا پہلا انٹرویو نوح ٹریور کو دیا ہے۔ جس میں گفتگو کے دوران انہوں نے کہا کہ رواں برس آسکرز ایوارڈ تقریب کے دوران کرس راک کو تھپڑ مارنے کے واقعہ نے ان کی نجی زندگی کو شدید متاثر کیا ہے۔اس شو کے دوران ہونے والی گفتگو میں ول اسمتھ نے انکشاف کرتے ہوئے اس واقعے کو آسکرز۲۰۲۲ء کی خوفناک رات قرار دیا۔ انہوں نے کہا کہ میرے۹؍سالہ بھتیجے نے اس حوالے سے مجھ سے پوچھا کہ میں نے کیوں تھپڑ مارا؟
ول اسمتھ کا کہنا تھا کہ جو کچھ بھی اس شب کرس راک نے کہا یا مذاق اڑایا، لیکن مجھے ایسا نہیں کرنا چاہیے تھا، میں اپنے غصے پر قابو نہیں رکھ سکا تھا۔ول اسمتھ نے اس ضمن میں یہ بھی کہا کہ ’’ہمیں دوسروں کے ساتھ رحمدلی سے پیش آنا چاہئے، ہمیں پتہ نہیں ہوتا کہ کون کیسے وقت سے گزررہا ہے۔ ‘‘ واضح رہے کہ اس برس۲۷؍ مارچ کو ڈولبی تھیٹر ہالی ووڈ کیلیفورنیا میں ہونے والی۹۴؍ ویں اکیڈمی ایوارڈ تقریب کے دوران ول اسمتھ جو کہ اس تقریب میں بہترین اداکار قرار پائے تھے انہوں نے ایوارڈ شو کے میزبان کرس راک کو تھپڑ مار دیا تھا۔اس کی وجہ یہ تھی کہ راک نے ول اسمتھ کی اہلیہ کے سر کے بال گرنے کے حوالے سے چند تمسخرانا جملے کہے تھے، جس پر ول اسمتھ نے غصے میں راک کو تھپڑ جڑ دیا تھا۔ بعد میں اکیڈمی نے ان پر پابندی لگادی تھی۔