جہاں ایک طرف رنبیر کپور اس وقت کئی بڑی فلموں میں مصروف ہیں، وہیں دوسری طرف اجے دیوگن بھی اپنے بڑے پروجیکٹس میں مصروف ہیں۔ جی ہاں، یہ جوڑی پہلے بھی ساتھ کام کر چکی ہے، لیکن اس بار کہانی بالکل زبردست ہے، جسے سن کر آپ کے بھی رونگٹے کھڑے ہو جائیں گے۔ اس فلم کو کون بنائے گا، یہی سب سے زیادہ بحث میں ہے۔ فی الحال جانیے کہ دونوں کے اس پروجیکٹ کے بارے میں کیا معلومات سامنے آ رہی ہیں۔

اس وقت بالی ووڈ میں کئی بڑی فلموں پر کام جاری ہے۔ ان میں رنبیر کپور کی ’’رامائن‘‘ اور’’لو اینڈ وار‘‘ شامل ہیں۔ ایک فلم اس سال دیوالی پر ریلیز ہوگی جبکہ دوسری ۲۰۲۷ء کے پہلے مہینے میں آئے گی۔ دوسری جانب اجے دیوگن ’’گول مال۵‘‘ جیسی بڑی فلم پر کام کر رہے ہیں۔ لیکن اب خبر ملی ہے کہ ۱۵؍ سال بعد اجے دیوگن اور رنبیر کپور ایک ساتھ کام کرنے جا رہے ہیں۔ اس سے پہلے دونوں پرکاش جھا کی فلم ’’راج نیتی‘‘ میں ساتھ نظر آئے تھے، مگر اس کے بعد کبھی ایک ساتھ کام نہیں کیا۔
اب اطلاعات ہیں کہ ایک زبردست ایکشن ڈرامہ تھرلر بن رہی ہے، جسے فلم ’’پیار کا پنچنامہ‘‘والے لو رنجن بنانے والے ہیں۔ فلم کی کہانی کو’’اینیمل‘‘ جیسا کیوں بتایا جا رہا ہے اور اس پروجیکٹ کی خبریں کہاں سے سامنے آئیں آئیے آپ کو سب بتاتے ہیں۔رنبیر کپور کو ابھی نتیش تیواری کی’’رامائن ۲‘‘ کا کام مکمل کرنا ہے۔ اس کے بعد وہ سندیپ ریڈی وانگا کی’’اسپرٹ‘‘ ختم ہونے کا انتظار کریں گے کیونکہ پھر انہیں ’’اینیمل پارک‘‘ پر بھی کام کرنا ہے۔ اسی دوران ’’الویز بالی ووڈ ‘‘  نامی ایکس ہینڈل سے معلوم ہوا کہ دونوں اداکار اپنے موجودہ پروجیکٹس مکمل کرنے کے بعد اس فلم پر ساتھ کام کریں گے۔

یہ بھی پڑھئے:۱۵؍ سال بعد ماسٹر کارڈ کی شام میں دوبارہ سروسیز شروع کرنے کی تیاری

رنبیر اور اجے ایک ساتھ آ رہے ہیں
آپ کو شاید لگ رہا ہوگا کہ یہ بالکل نئی فلم ہے، لیکن ایسا نہیں ہے، کیونکہ اس کی چرچا سال ۱۹۔۲۰۱۸ء میں ہی شروع ہو گئی تھی۔ لو رنجن نے اس بارے میں سب کچھ کنفرم بھی کیا تھا۔ بعد میں ٹریڈ اینالسٹ ترن آدرش نے سوشل میڈیا پر کہا تھا کہ فلم بند کر دی گئی ہے لیکن۲۰۲۵ء میں خبر آئی کہ اس فلم کو دوبارہ شروع کر دیا گیا ہے۔ تاہم بعد میں اس پر کوئی کام شروع نہیں ہوا۔ اب لگتا ہے کہ چیزیں مثبت سمت میں آگے بڑھ رہی ہیں۔
فلم کی کہانی کیا ہے؟
رپورٹس کے مطابق اب فلم کا پلاٹ بھی سامنے آ گیا ہے۔ حالیہ پوسٹ سے پتہ چلا ہے کہ رنبیر کپور اور اجے دیوگن کی فلم کی کہانی دو چچا زاد بھائیوں کے گرد گھومتی ہے، جن کے درمیان کچھ غلط فہمیاں پیدا ہو جاتی ہیں اور وہ ایک دوسرے سے دور ہو جاتے ہیں۔ رشتوں میں تلخی بڑھنے کے بعد دونوں بھائیوں کے درمیان دشمنی ہو جاتی ہے۔

یہ بھی پڑھئے:میچ میں رولیکس گم گئی تھی، تقریب میں اندرا گاندھی بھی شریک ہوئی تھیں: زینت امان

اب آپ نے پہلے بھی ایسی کہانی سنی ہوگی، ہے نا؟ سندیپ ریڈی وانگا کی ’’اینیمل‘‘ کا پلاٹ بھی کچھ ایسا ہی تھا، جہاں انل کپور (بلبیر سنگھ) اور ان کے چچا کے خاندان کے درمیان غلط فہمیاں پیدا ہوئیں اور وہ ایک دوسرے کو نقصان پہنچانے پر اتر آئے۔حالانکہ میکرز کی جانب سے ابھی تک کوئی باضابطہ اعلان نہیں کیا گیا ہے۔ ممکن ہے کہ فلم میں کچھ تبدیلیاں بھی کی جائیں، لیکن حتمی تصدیق تک سب کو انتظار کرنا ہوگا۔
 اجے دیوگن اس طرز کی فلموں میں کم نظر آئے ہیں، اس لیے رنبیر کپور کے ساتھ ان کی جوڑی مداحوں کے لیے کسی سرپرائز سے کم نہیں ہوگی۔ اب دونوں اداکاروں کے پاس پروجیکٹس کی کوئی کمی نہیں، دیکھنا ہوگا کہ یہ فلم کب تک فائنل ہوتی ہے۔