اجے دیوگن نے ’’دھمال۴‘‘ کی ریلیز مؤخر کر دی ہے تاکہ اکشے کمار کی فلم ’’ویلکم ٹو دی جنگل‘‘ کو سنیما گھروں میں بہتر اور آسان موقع مل سکے۔ یہ فیصلہ دونوں اداکاروں کے درمیان باہمی گفتگو کے بعد کیا گیا۔

۲۰۲۶ء کا بالی ووڈ ریلیز کیلنڈر کئی بڑی فلموں سے بھرا ہوا ہے، جن میں اجے دیوگن اور اکشے کمار کی الگ الگ کامیڈی فلمیں بھی شامل ہیں۔ تازہ اطلاعات کے مطابق، دیوگن نے’’دھمال ۴‘‘ کی ریلیز آگے بڑھانے کا فیصلہ کیا ہے تاکہ کمار کی بے حد منتظر فلم ’’ویلکم ٹو دی جنگل‘‘ کو سنیما میں زیادہ ہموار موقع مل سکے۔
’’دھمال ۴‘‘ کی ریلیز مؤخر
کامیڈی فرنچائز کی چوتھی فلم پہلے ۳؍یا ۴؍ جولائی ۲۰۲۶ء کو ریلیز ہونے والی تھی، لیکن اب فلم سازوں نے اس کی نئی تاریخ ۱۷؍جولائی مقرر کر دی ہے۔ یہ قدم دونوں بڑے بجٹ کی فلموں کے درمیان زیادہ وقفہ پیدا کرنے کے لیے اٹھایا گیا ہے۔ رپورٹس کے مطابق، یہ فیصلہ خود دیوگن اور اکشے کمار کے درمیان گفتگو کے بعد کیا گیا چونکہ دونوں فلمیں ملٹی اسٹارر کامیڈی طرز کی ہیں اور خاندانی ناظرین کو ہدف بناتی ہیں، اس لیے اداکاروں کا ماننا تھا کہ اگر دونوں فلمیں بہت قریب قریب ریلیز ہوئیں تو اس سے دونوں کے کاروبار پر اثر پڑ سکتا ہے۔
ایک ذرائع نے کہا’’اجے اور اکشے بہت عرصے سے دوست ہیں، اتنے ہی عرصے سے جتنے وہ بڑے ستارے ہیں۔ دونوں اداکاری کے ساتھ فلمیں پروڈیوس بھی کرتے ہیں اور سمجھتے ہیں کہ ہر فلم کو مناسب وقت اور جگہ ملنی چاہیے۔ اسی لیے ان کی گفتگو بہت آسانی سے ہوئی اور وہ اس بات پر متفق تھے کہ ناظرین کو دو کامیڈی فلموں کے درمیان کچھ وقفہ چاہیے۔‘‘

یہ بھی پڑھئے:امتحانی ادارہ یہ ضمانت کب دیگا کہ اب پرچہ لیک نہیں ہوگا؟

 ’’ویلکم ٹو دی جنگل ‘‘کے بارے میں
یہ آنے والی فلم اس فرنچائز کا تیسرا حصہ ہے جس کا آغاز۲۰۰۷ء کی بلاک بسٹر فلم سے ہوا تھا، جسے انیس بزمی نے ڈائریکٹ کیا تھا۔ احمد خان کی ہدایت کاری میں بننے والی ’’ویلکم ٹو دی جنگل‘‘ ایک ملٹی اسٹارر فلم ہے جس میں اکشے کمار کے ساتھ سنیل شیٹی، جیکی شروف، روینہ ٹنڈن، دشا پٹانی، جیکلین فرنانڈیز، ارشد وارثی، پریش راول، راجپال یادو، جانی لیور، آفتاب شیوداسانی، لارا دتہ، شریاس تلپڑے، تشار کپور، دلیر مہندی، فریدہ جلال، کرشنا ابھیشیک، کیکو شاردا، کرن کمار، مکیش تیواری، یشپال شرما، وندو دارا سنگھ، نواب شاہ، اروشی روتیلا، پونیت اسر، ارجن فیروز خان، آنجہانی پنکج دھیر، سدیش بیری، ہیمنت پانڈے، ذاکر حسین، سیّاجی شندے اور کئی دیگر اداکار شامل ہیں۔  

یہ بھی پڑھئے:سلمان خان کی سپر ہیرو فلم میں کرینہ کپور کی انٹری کی خبریں بے بنیاد

دھمال۴؍ کے بارے میں 
’’دھمال۴‘‘ میں فرنچائز کے کئی معروف چہرے واپس آرہے ہیں، جن میں رتیش دیشمکھ، سنجے مشرا اور جاوید جعفری شامل ہیں۔ فلم میں سنجیدہ شیخ، انجلی آنند، اپیندر لیمائے اور روی کشن بھی اہم کرداروں میں نظر آئیں گے۔فرنچائز کی چوتھی فلم کی ہدایت کاری ایک بار پھر اندرا کمار کر رہے ہیں جبکہ اسے ٹی سیریز اور دیوگن فلمز کے اشتراک سے پروڈیوس کیا جا رہا ہے۔