اکشے کمار اور سیف علی خان کی جوڑی پہلے ہی اسکرین پر دھوم مچا چکی ہے۔ انہوں نے میںکھلاڑی تو اناڑی، تو چور میں سپاہی جیسی فلموں میں ایک ساتھ کام کیا۔ اب ۱۷؍ سال بعد دونوں کی جوڑی ایک بار پھر پردے پر نظر آئے گی۔ ان کی آنے والی فلم کا ٹائٹل کافی منفرد ہے۔

اکشے کمار اور سیف علی خان کی جوڑی کو برسوں بعد ایک بار پھر اسکرین پر دیکھنا مداحوں کے لیے کسی  تجسس سے کم نہیں ہوگا۔ اس سپر ہٹ جوڑی نے تقریباً۴؍ سے۵؍ فلموں میں ایک ساتھ کام کیا، جن میں سے زیادہ تر باکس آفس پر دھوم مچانے میں کامیاب رہیں۔
اکشے کمار اور سیف نے ۲۰۰۸ء میں ریلیز ہونے والی فلم `ٹشن  میں ایک ساتھ کام کیا تھا، یہ فلم فلاپ ہوگئی، لیکن لوگوں نے ان کی جوڑی کو پسند کیا۔ اب یہ دونوں سپر اسٹار۱۷؍ سال بعد ایک بار پھر بڑے پردے پر واپس آرہے ہیں۔ ان کی اگلی فلم کا عنوان  بھی سامنے آ گیا ہے۔
 اکشے سیف کی اگلی فلم کا ٹائٹل کیا ہے؟
 ہم آپ کو پہلے ہی بتا چکے ہیں کہ اکشے کمار اور سیف علی خان ہدایت کار پریہ درشن کی اگلی فلم میں ایک ساتھ کام کر رہے ہیں جو کہ سنسنی سے بھرپورہے۔ اس جوڑی کو دیکھنے کے لیے بے چین مداحوں کے جوش و خروش کو بڑھاتے ہوئے اب میکرس نے فلم کا عنوان  طے کر لیا ہے۔ ہندوستان ٹائمز کی رپورٹ کے مطابق سیف-اکشے کی اگلی فلم کا ٹائٹل حیوان  ہے۔
رپورٹس کے مطابق پریہ درشن اور فلم کی پوری ٹیم کا ماننا ہے کہ سیف اور اکشے کی فلم کے لیے اس سے بہتر ٹائٹل کوئی نہیں ہو سکتا تھا، جس نے `کھلاڑی اناڑی  کے نام سے ہلچل مچا دی تھی  تاہم فلمسازوں نے ابھی تک اس ٹائٹل کی باضابطہ منظوری نہیں دی ہے۔
 حیوان  کب فلور پر جائے گی؟
اب شائقین کو یہ جاننے کے لیے لمبا انتظار کرنا پڑے گا کہ دونوں میں سے کون اسکرین پر حیوان بنے گا۔ تاہم کہا جا رہا ہے کہ فلم میں اکشے کمار ہی مد مقابل ہوں گے۔ رپورٹس پر یقین کیا جائے تو اس فلم کی شوٹنگ اگست۲۰۲۵ء میں شروع ہوگی اور فلمسازفلم کو ۲۰۲۶ء میں سینما گھروں میں ریلیز کریں گے۔ اکشے کمار اور سیف علی خان کی فلموں کی بات کریں تو یہ جوڑی پہلی بار۱۹۹۴ء میں `میں کھلاڑی تو اناڑی میں نظر آئی تھی جس کے گانے بہت مشہور ہوئے۔ اس کے بعد دونوں نے یہ دلّی، تو چور میں سپاہی اور قیمت جیسی فلموں میں ایک ساتھ کام کیا۔