بالی ووڈ سپر اسٹار امیتابھ بچن نے اپنے طویل فلمی کریئر کے دوران انڈسٹری کے کئی شعبوں میں اپنی مہارت کا لوہا منوایاہے

بالی ووڈ سپر اسٹار امیتابھ بچن نے اپنے طویل فلمی کریئر کے دوران انڈسٹری کے کئی شعبوں میں اپنی مہارت کا لوہا منوایاہے جس میں اداکاری اور گلوکاری  تو ہے ہی بطور پروڈیوسر بھی کام کیا لیکن اب جبکہ ان کے کریئر کوتقریباً۵۴؍ برس ہونے کو ہیں تو اب انہوں نے انڈسٹری میں ایک نئے شعبے میں اپنی کامیابی کی شروعات کی  ہے اور اب بطور کمپوزر انہوں نے  دلخیر سلمان کی فلم چپ (ریوینج آف دی آرٹسٹ) کا میوزک ترتیب دیا ہے۔  اس طرح اس فلم کی ٹیم میں پہلی بار ان کا نام بطور کمپوزر شامل ہوگا۔ فلم چپ کی ہدایتکاری آر بالکی نے کی  ہے جو اس سے قبل امیتابھ کی فلم پا، چینی کم اور شمیتابھ کی ہدایت کاری بھی کر چکے ہیں۔ آر بالکی کا کہنا ہے کہ امیتابھ کے اس فلم میں کمپوزر بننے کا معاملہ اچانک ہوا، میں نے ان سے کہا کہ فلم چپ دیکھیں، فلم دیکھنے کے بعد انہوں نے مجھ سے کہا کہ وہ اپنے پیانو پر کوئی دھن بناکر دیں گے۔