ہندوستان نے پاکستان کی شاندار واپسی کا مقابلہ کرتے ہوئے ۳۔۴؍گول سے کامیابی حاصل کرکے ایشین گیمز ۲۰۲۶ءکے مردوں کے ہاکی فائنل میں جگہ بنالی۔ میچ کے آخری چند سیکنڈ باقی تھے جب ابھیشیک نے فیصلہ کن گول کرکے ہندوستان کو فتح دلائی۔

 ہندوستان نے جمعرات کو پاکستان کی شاندار واپسی کا مقابلہ کرتے ہوئے ۳۔۴؍گول سے کامیابی حاصل کرکے ایشین گیمز ۲۰۲۶ءکے مردوں کے ہاکی فائنل میں جگہ بنالی۔ میچ کے آخری چند سیکنڈ باقی تھے جب ابھیشیک نے فیصلہ کن گول کرکے ہندوستان کو فتح دلائی۔ سنسنی خیز مقابلے میں مجموعی طور پر سات گول ہوئے۔
کپتان ہرمن پریت سنگھ کے دو اور سکھجیت سنگھ کے ایک گول کی بدولت ہندوستان نے ۰۔۳؍ کی مضبوط برتری حاصل کرلی تھی، لیکن پاکستان نے مسلسل تین گول کرکے مقابلہ ۳۔۳؍سے برابر کردیا۔ جب ایسا لگ رہا تھا کہ میچ اضافی وقت میں جائے گا، اسی وقت ابھیشیک نے آخری لمحات میں گول کرکے ہندوستان کو مسلسل دوسری بار ایشین گیمز کے فائنل میں پہنچا دیا۔

𝗪𝗛𝗔𝗧 𝗔 𝗪𝗔𝗬 𝗧𝗢 𝗠𝗔𝗞𝗘 𝗧𝗛𝗘 𝗙𝗜𝗡𝗔𝗟! 🇮🇳🔥

India beat Pakistan 4-3, thanks to a last-minute goal in a nail-biting Asian Games 2026 semi-final, to book a place in the final and keep their title defence alive! 🏑⚡

The Indian Men’s Team now stand just one win away… pic.twitter.com/J8vmZzR8K1

— Hockey India (@TheHockeyIndia) October 1, 2026

ہرمن پریت نے پہلے کوارٹر میں پنالٹی کارنر پر گول کرکے ہندوستان کا کھاتہ کھولا اور اس کے بعد ایک شاندار ڈریگ فلک کے ذریعے برتری ۰۔۲؍گول  کردی۔ دوسرے کوارٹر کے آغاز میں سکھجیت نے عمدہ موو کے بعد تیسرا گول کیا۔ تاہم پاکستان نے زبردست واپسی کرتے ہوئے ابو محمود اور حنان شاہد کے گول کی بدولت فرق کم کیا، جبکہ چوتھے کوارٹر میں وحید رانا نے گول کرکے اسکور ۳۔۳؍ کردیا۔

یہ بھی پڑھئے:’’اسپائیڈر مین: برانڈ نیو ڈے‘‘ نئے مناظر کے ساتھ دوبارہ سنیما گھروں میں آئے گی

ہندوستان نے آخری لمحات میں اپنا حوصلہ برقرار رکھا اور فیصلہ کن گول کے لیے مسلسل حملے کیے۔ بالآخر ابھیشیک نے میچ ختم ہونے سے چند سیکنڈ قبل گول کرکے ہندوستان کو یادگار فتح دلادی۔ ہرمن پریت کے دو گول کے ساتھ ٹورنامنٹ میں ان کے مجموعی گولوں کی تعداد  ۱۰؍ہوگئی ہے۔ ہندوستان نے پول اے میں اپنے پانچوں میچ جیت کر ۴۵؍ کے شاندار گول فرق کے ساتھ سرفہرست مقام حاصل کیا تھا۔ پول مرحلے میں ہندوستان نے انڈونیشیا کو۱۔۱۳، سری لنکا کو ۱۔۱۶، جنوبی کوریا کو ۲۔۸، جاپان کو ۰۔۲؍اور بنگلہ دیش کو۰۔۱۰؍گول  سے شکست دی تھی۔

یہ بھی پڑھئے:سنگاپور: مگرمچھ کی اے آئی سے بنی جعلی تصویر شیئر کرنے پر پر ایک شخص کو ۱۰ سال تک قید کا سامنا

ہندوستان کو اس سیمی فائنل میں مڈفیلڈر راج کمار پال کے بغیر کھیلنا پڑا۔ بنگلہ دیش کے خلاف پول مرحلے کے میچ میں ان کے بائیں ہاتھ کے انگوٹھے میں فریکچر ہوگیا تھا، جس کے بعد نیل کانتا شرما کو ٹیم میں شامل کیا گیا۔ اس فتح کے ساتھ ہندوستان کے ایشین گیمز کا خطاب برقرار رکھنے کی امیدیں بھی قائم ہیں۔ ایشین گیمز میں مردوں کا ہاکی خطاب جیتنے والی ٹیم لاس اینجلس  ۲۰۲۸ءاولمپکس کے لیے براہ راست کوالیفائی کرے گی۔۳؍اکتوبر کو ہونے والے طلائی تمغے کے مقابلے میں ہندوستان کا سامنا ملائیشیا اور جنوبی کوریا کے درمیان ہونے والے دوسرے سیمی فائنل کے فاتح سے ہوگا۔