آیوشمان کھرانہ نے وارنر میوزک کے ساتھ معاہدہ کے بعد اپنا پہلا گانا ’’اکھ داتارا‘‘ریلیز کردیا ہے۔

بالی ووڈ کے سپر اسٹاراورگلوکار آیوشمان کھرانہ نے اپنے کریئر میں ایک دلچسپ شروعات کرتے ہوئے اپنا ایک نیا گانا ’’اکھ دا تارا‘‘ ریلیز کیا ہے۔ یہ وارنر میوزک انڈیا کے ساتھ ان کا پہلا گیت ہے۔ حال ہی میں ہونےوالے اس معاہدے سے آیوشمان کے مداح ان کی موسیقی کی صلاحیتوں کے ایک نئے پہلو سے متعارف ہونے والے ہیں۔
’’اکھ دا تارا‘‘ میں آیوشمان کھرانہ نے ایک غیر روایتی اور سنتھ پاپ سے متاثر گیت کے انداز کا نیا سفر شروع کیا جو بریک اپ کے بعد غم کے پانچ مراحل کی عکاسی کرتا ہےانکار، غصہ، مایوسی، سودے بازی اور قبولیت۔
میوزک ویڈیو کے شاندار منظر کے ذریعے، وہ غم کے تمام مراحل سے گزرتا ہے اور سفر ختم ہوتا ہے کیونکہ اسے احساس ہوتا ہے کہ بہت دیر ہو چکی ہے اور وہ اس معاملے کے نتائج اور قسمت کو قبول کرتا ہے۔
یہ گانا صرف ایک ٹریک نہیں ہے بلکہ غم کی عکاسی کرتاہے۔ 
نئے ٹریک کے بارے میں بات کرتے ہوئے، آیوشمان نے کہاکہ ’’مجھے لگتا ہے کہ میں نے’ `اکھ دا تارا‘ کے ساتھ اپنے میوزیکل سفر میں خود کو نئے سرے سے پیش کیا ہے۔ یہ ٹریک اس سے پہلے گائے گئے کسی بھی ٹریک سے مختلف ہے۔ یہ دل کے ٹوٹنے کے جذبات کو ظاہرکرتا ہے۔ پاپ میوزک کو اس طرح سے شامل کیا گیا ہے کہ مداح ان دونوں کی گہرائیوں کو محسوس کریں گے۔ یہ ایک بین الاقوامی گیت ہے جو اچھے ساز اورالفاظ  سے ہم آہنگ ہے، جو عالمی سطح پر ہمیں ایک پہچان دیتا ہے۔ ہم مزید گیت ریلیز کرنے کا ارادہ رکھتے ہیں جو مختلف آوازوں کو تلاش کریں گے اور میں یقینی طور پر اس کمپوزیشن میں شامل ہوں گا اور ان میں سے کچھ لکھوں گا۔‘‘
’’اکھ دا تارا‘‘اب وارنر میوزک انڈیا لیبل کے تحت تمام اسٹریمنگ پلیٹ فارمز پر دستیاب ہے۔