را جا پرتھوی راج چوہان کی زندگی پر بننے والی تاریخی فلم ’سمراٹ پرتھوی راج‘ پر عمان اورکویت کے بعد قطر میں پابندی عائد کردی گئی ہے۔

را جا پرتھوی راج چوہان کی زندگی پر بننے والی تاریخی فلم ’سمراٹ پرتھوی راج‘ پر عمان اورکویت کے بعد قطر میں پابندی عائد کردی گئی ہے۔ میڈیا رپورٹس کے مطابق اکشے کمار کی نئی فلم سمراٹ پرتھوی راج ۳؍جون کو ریلیز ہونے جارہی ہے تاہم پابندی کے باعث خلیجی ملک عمان، کویت  اور قطرمیں ریلیز نہیں ہوگی۔ مذکورہ ممالک کی جانب سے پابندی کی وجہ تاحال سامنے نہیں آئی لیکن ممکن ہے فلم میں تاریخ کو مسخ کرکے پیش کرنے یا پھر یکطرفہ کہانی دکھانے کے سبب یہ اقدام اٹھایا گیا ہو۔اس فلم میں سنجے دت اور سونو سود نے بھی اداکاری کی ہے۔ فلم سازوں نے انٹرنیشنل مارکیٹ میں پابندی پر تشویش کا اظہار کیا ہے۔اس فلم کی یوپی میں اسکریننگ بھی ہوچکی ہے اور اسے وہاںٹیکس فری کردیاگیا ہے۔