سابق ایم ایل اے بابا صدیقی اور ان کے بیٹے اور موجودہ ایم ایل اے ذیشان صدیقی نےاتوار کو اپنی افطار پارٹی ممبئی کے باندرہ کے تاج لینڈ اینڈ میں منعقدکی جس میں بالی ووڈ سمیت ٹی وی انڈسٹری کے ستاروں نے شرکت کی۔

 سابق ایم ایل اے بابا صدیقی اور ان کے بیٹے اور موجودہ ایم ایل اے ذیشان صدیقی نےاتوار کو اپنی افطار پارٹی ممبئی کے باندرہ کے تاج لینڈ اینڈ میں منعقدکی جس میں بالی ووڈ سمیت ٹی وی انڈسٹری کے ستاروں نے شرکت کی۔
 سلمان خان، سلیم خان، شہناز گل، پلک تیواری، پوجا ہیگڈے، ہما قریشی، سدھارتھ نگم، راگھو جوئیل، جاوید جعفری، ساجد خان، سابق ٹی وی اداکارہ ثنا خان، آیوش شرما- ارپیتا، عمران ہاشمی اور ڈیوڈ دھون سمیت کئی مشہور شخصیات۔شاہی افطار پارٹی کا ایک حصہ رہیں۔
 اس دوران بھائی جان سلمان خان سیاہ پٹھانی کرتاپاجامہ میں نظر آئے، جب کہ ان کی آنے والی فلم کی مرکزی اداکارہ پوجا ہیگڑے سیاہ چمکیلی ساڑی میں نظرآئیں۔پلک تیواری نے پارٹی کے لیے گرے سلورلہنگا کا انتخاب کیا۔
 پارٹی میں شہنازگل کے لک کا سب سے زیادہ چرچارہا۔ دراصل شہناز اپنے بھائی شہباز کے ساتھ پارٹی میں پہنچی تھیں، اس دوران انہوں نے اورینج اور گولڈن کلر کا سوٹ سلوار پہنا تھا، جس میں وہ بہت خوبصورت لگ رہی تھیں۔ پارٹی کی تصاویر اور ویڈیو سوشل میڈیا پر سرخیوں میں ہیں۔