فلم کے اداکار رتیک روشن نے خوشی کا اظہار کیا ہے، انہوں نے فلم ’وار۲ ‘سے اپنی ایک تصویر سوشل میڈیا پلیٹ فارم ایکس پر شیئر کی ہے، انہوں نے لکھا ہے کہ کبیر کی دنیا میں، جنگیں جیتی جا سکتی ہیں، لیکن جنگ ہمیشہ جاری رہتی ہے۔

بالی ووڈ کے مشہور و معروف اداکار رتیک روشن نے فلم ’وار ۲ ‘کو پسند کرنے پر مداحوں کا شکریہ ادا کیا ہے۔ ایان مکھرجی کی ہدایتکاری میں یش راج فلمز کی ’ وار۲‘ ۱۴؍ اگست کو سنیما گھروں میں ریلیز ہوئی تھی۔ ’وار۲‘  کو آدتیہ چوپڑا نے پروڈیوس کیا ہے، جس میں رتیک  روشن، این ٹی آر جونیئر اور کیارا اڈوانی نے اہم کردار ادا کیے ہیں۔ فلم ’ وار۲ ‘نے ہندوستانی مارکیٹ میں ۳؍ دنوں میں۱۴۰؍  کروڑ روپے سے زیادہ کمائی کی ہے۔

In Kabir`s world, battles may be won.. but the war goes on.

A character that came to life in 2019, has only fueled my fire as an Actor & Entertainer. Witnessing all your cheers & celebrations in cinema halls, only makes Kabir taller and my heart fuller. Kabir was and always… pic.twitter.com/Is2sSC4uEj

— Hrithik Roshan (@iHrithik) August 16, 2025

 فلم ’وار ۲ ‘ کی کامیابی پر فلم کے اداکار  رتیک روشن نے خوشی کا اظہار کیا ہے، انہوں نے فلم ’وار۲ ‘سے اپنی ایک تصویر سوشل میڈیا پلیٹ فارم ایکس پر شیئر کی ہے،  انہوں نے لکھا ہے کہ کبیر کی دنیا میں، جنگیں جیتی جا سکتی ہیں، لیکن جنگ ہمیشہ جاری رہتی ہے۔ ۲۰۱۹ء میں پیدا ہوا  یہ کردار، ایک اداکار اور انٹرٹینر کے طور پر میرے شوق کو بڑھاتا رہا۔ تھیٹرس میں آپ کی تالیاں اور جوش و خروش دیکھ کر کبیر خود کو  مزیدبلند محسوس کرتا ہے اور میرا دل اس سے بھر جاتا ہے۔ کبیر ہمیشہ سے اسکرین پر میرا سب سے خاص کردار رہا ہے اور رہے گا۔ فلم ’ وار۲‘اور کبیر کے لیے آپ کی  محبتوں اور نیک تمناؤں کا بہت بہت شکریہ۔ 
خیال رہے کہ یش راج فلمز کی اسپائی یونیورس میں پہلے دن سب سے کم کاروبار کرنے والی رتیک روشن اور جونیئر این ٹی آر کی فلم ’’وار ۲‘‘ نے دوسرے دن رجنی کانت کی ’’قلی‘‘ کو پچھاڑ دیا۔ یوم آزادی پر ’’وار ۲‘‘ کی آمدنی میں ۶۰؍ فیصد کا اضافہ ہوا، اور ریلیز کے دوسرے دن فلم نے ہندی میں ۴۵؍ کروڑ (پہلے دن ۳۰؍ کروڑ) روپے کا کاروبار کیا۔ اس طرح ’’وار ۲‘‘ کا دوسرے دن کا کاروبار کم و بیش ۵۶؍ کروڑ روپے ہے۔ تاہم، یہ اسپائی یونیورس کی دیگر فلموں سے اب بھی پیچھے ہے۔