آرین خان کی ویب سیریز بیڈس آف بالی ووڈ میں فلم انڈسٹری کی کئی اہم شخصیات شامل تھیں۔ ایس ایس راجامولی سے لے کر عامر خان، شاہ رخ خان، سلمان خان اور دیگر۔ اس ویب شو میں بوبی دیول، مونا سنگھ، اور منوج پاہوا جیسے ستاروں نے بھی متاثر کن پرفارمنس کا مظاہرہ کیا لیکن ان میں سے ایک اداکار ہے جس نے۱۶؍ سال بعد واپسی کی ہے اور سوشل میڈیا پر کافی توجہ حاصل کر رہا ہے۔

شاہ رخ خان کے بیٹے آرین خان نے  ویب شو بیڈس  آف بالی ووڈ سے ہدایتکاری میں قدم رکھا ہے۔ اس سیریز میں نئے آنے والے اداکاروں کے ساتھ کئی تجربہ کار اداکار بھی شامل تھے۔ بالی ووڈ کی گلیمرس دنیا کے درمیان آرین خان کے شو نے کئی  رئیلیٹی  چیک بھی فراہم کیے۔  اس کے ساتھ ہی ۱۶؍ سال سے انڈسٹری سے دور رہنے والے اداکار نے بھی واپسی کی۔ ۱۶؍ سال بعد اس اداکار نے نہ صرف اس سیریز کے ساتھ واپسی کی بلکہ سوشل میڈیا پر بھی سرخیوں میں  رہے اور اب آئی ایم ڈی بی کی ٹاپ۱۰؍ اداکاروں کی فہرست میں شامل ہو گئے ہیں۔ یہ اداکار رجت بیدی ہیں جنہوں نے اس سیریز میں جارج سکسینہ کا کردار ادا کیا تھا۔ رجت نے آئی ایم ڈی بی  انڈیا کی مشہور  شخصیات کی فہرست میں ٹاپ۱۰؍ میں جگہ بنائی ہے۔

یہ بھی پڑھیئے:غزہ میں جو کچھ ہو رہا ہے وہ نسل کشی سے کم نہیں: جینیفر لارنس

 ۹۵۴؍ ویں رینک سے ٹاپ۱۰؍ تک
 دلچسپ بات یہ ہے کہ گزشتہ ہفتے تک رجت بیدی ۹۵۴؍ویں نمبر پر تھے اور اب وہ۹؍ویں نمبر پر پہنچ کر سیدھے ٹاپ۱۰؍ میں پہنچ گئے ہیں۔ آئی ایم ڈی پی  انڈیا نے ایکس (سابقہ ​​ٹویٹر) پر اپنی تصویر کی پوسٹ کے ساتھ اعلان کیا۔ تصویر کے ساتھ کیپشن میں لکھا ہے،’’آئی ایم ڈی بی کی مشہور ہندوستانی مشہور شخصیت رجت بیدی کو دی بیڈز آف بالی ووڈ میں جارج سکسینہ کے کردار کے لیے۹۵۴؍ویں سے ۹؍ویں نمبر پر رکھا گیا ہے۔ ‘‘ بیڈز آف بالی ووڈ میں رجت کے کام کو لوگ بہت پسند کر رہے ہیں۔ ان کے ساتھ بالی ووڈ کے دیگر  اداکاروں نے بھی آئی ایم ڈی بی کی ٹاپ۱۰؍ مقبول ترین شخصیات کی فہرست میں جگہ بنائی ہے۔

Who’s trending this week? See IMDb’s Popular Indian Celebrities list on the IMDb app today! 🌟💛

See the complete list on the IMDb app, available on iOS and Android. 🍿 pic.twitter.com/acZj7yx4Rd

— IMDb India (@IMDb_in) September 24, 2025

رجت نے آرین کو فرشتہ کہا
 راگھو جوئیل کو۱۲؍ ویں نمبر پر رکھا گیا ہے۔ بوبی دیول ۲۱؍ ویں، مونا سنگھ۲۶؍ ویں، عمران ہاشمی۳۸؍ ویں اور رنبیر کپور۴۲؍ ویں نمبر پر ہیں۔ رجت نے انسٹاگرام پر آرین خان کے ساتھ ایک تصویر بھی شیئر کی، جس میں دونوں ایک ساتھ پوز دیتے ہوئے نظر آ رہے ہیں۔ رجت نے آرین کے کندھے پر ہاتھ رکھا۔ تصویر پوسٹ کرتے ہوئے رجت نے لکھا  ’’جب خدا آپ کے پاس  فرشتہ بھیجتا ہے تو وہ ایسا ہی لگتا ہے۔‘‘
دی بیڈز آف بالی ووڈ، جس کا پریمیر۱۸؍ ستمبر کو نیٹ فلکس پر ہوا، آسمان (لکشیا لالوانی) کی کہانی ہے جو ہندی فلم انڈسٹری کی چمک دمک اور چیلنجز سے نبرد آزما ہے۔ اس سیریز میں راگھو جوئیل، منوج پاہوا، مونا سنگھ، گوتمی کپور، انیا سنگھ، اور سحربامبا کے ساتھ بالی ووڈ انڈسٹری کے کئی نامور اداکاروں اور اداکاراؤں کے خصوصی کیمیوزمیں ہیں۔  رجت بیدی نے اپنے فلمی کریئر کا آغاز۱۹۹۸ء میں کیا تھا۔