بالی ووڈ فلمساز امتیاز علی پنجابی فلموں کے سپر اسٹار دلجیت دوسانجھ کو لے کر پنجاب کے مقبول گلوکار امر سنگھ چمکیلا کی بایوپک بنانے  جارہے ہیں۔  

بالی ووڈ فلمساز امتیاز علی پنجابی فلموں کے سپر اسٹار دلجیت دوسانجھ کو لے کر پنجاب کے مقبول گلوکار امر سنگھ چمکیلا کی بایوپک بنانے  جارہے ہیں۔   امتیاز علی گلوکار امر سنگھ چمکیلا کی زندگی پر  مبنی فلم بنا رہے ہیں، انہوں نے فلم بنانے کے حقوق بہت پہلے لے لئے تھے۔ بتایا جا رہا ہے کہ امر سنگھ چمکیلا کی بایوپک میں دلجیت دوسانجھ مرکزی کردار ادا کریں گے۔ جب امتیاز علی کی طرف سے  یہ فلم دلجیت کو  پیش کی گئی تو انہوں نے فوراً فلم کے لئے ہاں کر دی کیونکہ امر سنگھ چمکیلا ان کے لئے انسپائریشن  رہےتھے۔     بتایا جا رہا ہے کہ  پہلے  امر سنگھ چمکیلا کی بایوپک کے لئے آیوشمان کھرانہ اور پھر کارتک آرین کا نام سامنے آیا تھا ۔ لیکن دونوں فلم کے لئے فٹ نہیں تھے۔ میکرس کو فلم کے لئے ایک ایسے  اداکار کی ضرورت تھی جو گانا بھی گا سکے۔ دلجیت اداکاری اور گلوکاری دونوں معیارات پر پورے  اترتے ہیں۔ دلجیت،  امر سنگھ چمکیلا کے حقیقی گانوں کو اپنی آواز دیں گے اور انہیں فلم میں استعمال کیا جائے گا۔