اداکارہ نے خودپر انحصار کرتے ہوئے اپنے ہاتھ سے اپنے شوہر کا ہیئراسٹائل کیا اور اسے انسٹا گرام میں شیئر کیا
EPAPER
Updated: July 03, 2020, 10:09 AM IST | Agency | Mumbai
اداکارہ نے خودپر انحصار کرتے ہوئے اپنے ہاتھ سے اپنے شوہر کا ہیئراسٹائل کیا اور اسے انسٹا گرام میں شیئر کیا
بالی ووڈ اداکارہ مادھوری دکشت نے لاک ڈاؤن میںخودانحصاری کے ساتھ رہنا سیکھ لیا ہے۔ کورونا وائرس کی وجہ سے لاک ڈاؤن کےبعد اب ان لاک کا عمل شروع ہوچکا ہے۔ حال ہی میں مادھوری نے اپنےشوہر سری رام نینے کا ہیئرکٹ کیا تھا۔
مادھوری دکشت نے شری رام کےساتھ سوشل میڈیا پر ایک تصویر شیئر کی ہے اورلکھا’’رام کےہیئر اسٹائل کےساتھ تجربہ کرنے میں لطف آیا۔ سیلف کوارینٹائن کو آج ۱۰۰؍دن ہوچکے ہیں۔ ہم نے اس لاک ڈاؤن سےسب سے اہم بات سیکھی ہے وہ یہی ہے کہ کیسے خود انحصاری کے ساتھ رہا جا سکتا ہے۔‘‘
لاک ڈاؤن کے دوران مادھوری سوشل میڈیا پر کافی سرگرم ہیں۔ انہوں نےمختلف طریقوں کے سہارے لاک ڈاؤن میں اپنے مداحوں کے ساتھ رابطہ قائم کرنے کی کوشش کی ہے۔اس کےعلاوہ مادھوری نےاپنے پرستاروں کو نیشنل لاک ڈاؤن میںآن لائن فری میں رقص بھی سکھایا تھا۔