مشہور شخصیات مصنوعی ذہانت کے غلط استعمال کے خلاف آواز بلند کر رہی ہیں، جہاں جعلی اے آئی ویڈیوز اور تصاویر ان کی ساکھ کو نقصان پہنچا رہی ہیں۔ اسی سلسلے میں جاوید اختر اور کنگنا رناوت نے ڈیپ فیک مواد کی سخت مذمت کرتے ہوئے قانونی کارروائی کا عندیہ دیا ہے۔

مشہور شخصیات اور کئی اے لسٹرز مصنوعی ذہانت (اے آئی ) کے غلط استعمال کے خلاف آواز اٹھا رہے ہیں۔ کنگنا رناوت کی جانب سے اپنی اے آئی سے تیار کردہ تصاویر پر اعتراض کے چند دن بعد، معروف نغمہ نگار اور اسکرین رائٹر جاوید اختر نے بھی ان پر مبنی ایک ڈیپ فیک ویڈیو کی سخت مذمت کی ہے۔ انٹرنیٹ پر گردش کرنے والی اس کمپیوٹر سے تیار کردہ جعلی پوسٹ میں جاوید اختر کو سفید ٹوپی پہنے دکھایا گیا ہے، اور یہ دعویٰ کیا گیا ہے کہ وہ ’’آخرکار خدا کی طرف لوٹ آئے ہیں۔ ‘‘

A fake video is in circulation showing my fake computer generated picture with a topi on my head claiming that ultimately I have turned to God . It is rubbish . I am seriously considering to report this to the cyber police and ultimately dragged the person responsible for this…

— Javed Akhtar (@Javedakhtarjadu) January 1, 2026

جاوید اختر کی جعلی اے آئی ویڈیو کی مذمت، قانونی کارروائی کی وارننگ
جاوید اختر نے اس مسخ شدہ ویڈیو کو’’ بکواس‘‘ قرار دیتے ہوئے جعلی مواد پر سخت تنقید کی اور قانونی نتائج کی وارننگ دی۔ سوشل میڈیا پلیٹ فارم ایکس پر ایک پوسٹ میں انہوں نے لکھا:’’ایک جعلی ویڈیو گردش میں ہے جس میں میری کمپیوٹر سے تیار کردہ جعلی تصویر دکھائی گئی ہے، جس میں میرے سر پر ٹوپی ہے اور یہ دعویٰ کیا جا رہا ہے کہ میں آخرکار خدا کی طرف مائل ہو گیا ہوں۔ یہ سراسر فضول ہے۔ ‘‘انہوں نے مزید کہا کہ وہ اس معاملے کو سائبر پولیس میں رپورٹ کرنے پر سنجیدگی سے غور کر رہے ہیں اور ذمہ دار شخص کے ساتھ اسے آگے پھیلانے والوں کے خلاف بھی عدالت سے رجوع کریں گے، کیونکہ اس سے ان کی ساکھ اور اعتبار کو نقصان پہنچا ہے۔ شعلے کے مصنف نے ایک ویڈیو بھی شیئر کی ہے جس میں ان کی مسخ شدہ تصویر دکھائی گئی ہے۔ 

یہ بھی پڑھئے: ودیا بالن نے کئی فلموں میں عمدہ اور سنجیدہ کردار ادا کئے ہیں

جعلی اے آئی ویڈیوز اور تصاویر کے خلاف بولتی ہوئی مشہور شخصیات
یہ پہلا موقع نہیں ہے کہ کسی عوامی شخصیت نے مصنوعی ذہانت کے غلط استعمال پر تشویش کا اظہار کیا ہو۔ چند دن قبل اداکارہ اور رکنِ پارلیمنٹ کنگنا رناوت بھی جعلی اے آئی سے تیار کردہ پوسٹس کا شکار ہوئیں۔ ان کی ایسی تصاویر اور ویڈیوز وائرل کی گئیں جن میں انہیں سوٹ، شرٹ اور ٹائی پہنے پارلیمنٹ میں داخل ہوتے دکھایا گیا۔ اسے اپنی خلاف ورزی قرار دیتے ہوئے کنگنا نے کہا:’’اصل میں یہ میری پارلیمنٹ میں ساڑھی پہن کر لی گئی تصاویر ہیں۔ میری تصاویر پر اے آئی کا استعمال بند کریں۔ ‘‘نیٹیزنز سے اے آئی ایڈیٹنگ روکنے کی اپیل کرتے ہوئے کوئین اداکارہ نے لکھا:’’یہ الفاظ سے ماورا حد تک خلاف ورزی ہے۔ ہر روز میں جاگتی ہوں اور خود کو مختلف اے آئی لباس، مختلف میک اپ، حتیٰ کہ ایڈیٹ شدہ تصاویر میں دیکھتی ہوں۔ لوگوں کو دوسروں کو سجانا سنوارنا بند کرنا چاہئے!! براہِ کرم ان اے آئی ایڈیٹس کو روکیں اور مجھے یہ فیصلہ کرنے دیں کہ میں کیسا نظر آنا چاہتی ہوں، کیا پہننا چاہتی ہوں اور کب۔ یہ مکمل طور پر میرا اختیار ہے۔ ‘‘