کِنگ خان شاہ رخ ان دنوں فلموں سے دور ہیں، لیکن بات یہ ہے کہ وہ جلد ہی کوئی نئی فلم میں سائن کرسکتے ہیں۔ اب بالی ووڈ اداکار اور فلمساز کمال راشد خان نے شاہ رخ خان کے بارے میں ایک حالیہ ٹویٹ کیا ہے ، جو کافی سرخیوں میں ہے۔ اپنے ٹویٹ میں انہوں نے شاہ رخ خان کے کریئر کو خراب کرنے کیلئے فرح خان کو ذمہ دار ٹھہرایا ہے۔

کمال راشد خان کا یہ ٹویٹ بہت وائرل ہو رہا ہے۔ اس ٹویٹ پر صارفین شدید ردعمل کا اظہار کررہے ہیں۔ کمال راشد خان نے لکھا کہ ’’شاہ رخ خان کے کریئر کو خراب کرنے کیلئے خود ساختہ ہدایتکار فرح خان ذمہ دار ہیں۔ فرح نے اپنی بدترین فلم ’ہیپی نیو ایئر‘ سے شاہ رخ کے کریئرکو خراب کیاہے۔ اور بدقسمتی سے شاہ رخ خان اب بھی ’دل والے‘، ’فین‘ اور’ زیرو‘ جیسی بری فلموں میں کام کر رہے ہیں۔‘‘ کمال راشد خان نے شاہ رخ خان کے ساتھ اپنے ٹویٹ میں فرح خان کو نشانہ بنایا۔

lang="en" dir="ltr">Self proclaimed director Farah Khan is responsible to destroy career of #SRK by her most wahiyat film #HappyNewYear! And unfortunately SRK kept doing bad films like #Dilwale, #JHMS #Fan #Rais #Zero after #HNY also!— KRK (@kamaalrkhan) March 11, 2020

واضح ہو کہ کمال راشد خان سوشل میڈیا پر بہت متحرک ہیں۔ انہوں نے ٹی وی ریئلیٹی شو ’بگ باس۔۳‘ سے شہرت حاصل کی ہے۔ اس کے علاوہ کمال راشد خان اکثر سوشل میڈیا پر بالی ووڈ فلموں کا سروے اور جائزہ بھی لیتے ہیں۔ خاص بات یہ ہے کہ کمال راشد خان کا ٹویٹ بھی بہت وائرل ہوا ہے۔