مرکزی وزیر برائے اطلاعات و نشریات انوراگ ٹھاکر نے پیر کو کہا کہ فلم اسٹار مادھوری دکشت کو ۵۴؍ ویں بین الاقوامی فلم فیسٹیول آف انڈیا (آئی ایف ایف آئی) میں ہندوستانی فلموں کے شعبہ میں قابل ذکر خدمات کیلئے خصوصی اعزاز دیا جائے گا۔

مرکزی وزیر برائے اطلاعات و نشریات انوراگ ٹھاکر نے پیر کو کہا کہ فلم اسٹار مادھوری دکشت کو ۵۴؍ ویں بین الاقوامی فلم فیسٹیول آف انڈیا (آئی ایف ایف آئی) میں ہندوستانی فلموں کے شعبہ میں قابل ذکر خدمات کیلئے خصوصی اعزاز دیا جائے گا۔
 ۲۰۲۳ء کیلئے پیر سے شروع ہونے والی اس ایوارڈکی تقریبات کایہاں شیاما پرساد مکھرجی انڈور اسٹیڈیم میں منعقد ہونے والی ایک تقریب کےساتھ آغازہوا۔دکشت تقریب کے دوران اپنےچارٹ بسٹر گانوں پر بھی پرفارم کریں گی۔ انہوں نے کہا’’ہمیشہ ایک آئیکون کی حیثیت رکھنے والی مادھوری دکشت نے۴؍دہائیوں تک بے مثال صلاحیتوں کے ساتھ پردے پر ہمیں مسحور کیا ہے۔ پرجوش نشا سے لے کر دل موہ لینے والی چندر مکھی تک، شاندار بیگم پارا سے لے کر ناقابل تسخیررجو تک، ان کی صلاحیتوں کی کوئی حد نہیں ہے۔‘‘انہوں نے مزید کہا ’’آج، ہم تعریف سے لبریز ہیں جب ہم ہندوستان کے۵۴؍ویں بین الاقوامی فلم فیسٹیول میں، باصلاحیت، کرشماتی اداکارہ کو ہندوستانی سنیما میں شراکت کیلئے خصوصی ایوارڈپیش کر رہے ہیں۔ 
واضح رہے کہ مادھوری دکشت کو پچھلے سال آئی ایف ایف آئی میں ’ہندوستانی فلمی شخصیت‘ کے اعزاز سے نوازا گیا تھا۔ آئی ایف ایف آئی کا ۵۴؍واں ایڈیشن ۲۸؍ نومبر کو ختم ہو گا۔