منوج باجپائی کا شمار ملک کے مایہ ناز اداکارں میں کیا جاتا ہے۔ سپراسٹار بنے تک ان کا یہ سفر کافی مشکل رہا۔ حالیہ برسوں میں اپنے ہنر کی وجہ سے انہوں نے خود کو قابل تعریف بنایا ہے۔

منوج باجپائی کا شمار ملک کے مایہ ناز اداکارں میں کیا جاتا ہے۔ سپراسٹار بنے تک ان کا یہ سفر کافی مشکل رہا۔ حالیہ برسوں میں اپنےہنر کی وجہ سے انہوں نے خود کو قابل تعریف بنایا ہے۔ علاوہ ازیں ان کی حالیہ کامیابی اس دعوے  کو تقویت دینے کیلئےکافی ہے۔ واضح رہے کہ ڈربن انٹرنیشنل فلم فیسٹیول نے باجپئی کو فلم جورام میں ان کی جدوجہد کیلئے بہترین اداکار کے خطاب سے نواز ا ہے۔   میڈیا سےبات چیت کرتے ہوئے باجپائی نے فلم جورام کے اپنے تجربے پر روشنی ڈالی تھی اورکہا تھا کہ فلم جورام ایسے شخص کی کہانی ہے جو ماضی اور حال کے درمیان پھنسا ہوا ہے۔ مجھےاس فلم میں پیچیدہ کردار( درسو) ادا کرنے میں کافی لطف محسوس ہوا۔ ایسا کردار جس کے ماضی اور حال میں تضاد ہے۔ باہر سے وہ عام آدمی نظر آتا ہے جس سے شاید لوگ واقف نہ ہوں لیکن وہ کسی بھی لحاظ سے عام آدمی نہیں ہے۔فلم کی کہانی متاثر کن کرداروں کے ساتھ شاندار ہے۔  زی اسٹوڈیوزاور دیواشیش مکھیجاکے ساتھ کام کرنا اعزاز کی بات ہے۔ میں  ہمیشہ ان کے ساتھ اپنے فنکارانہ تعلقات پر فخر محسوس کر تا رہوں گا۔روٹرڈیم کے ۵۲؍ویں بین الاقوامی فلم فیسٹیول کے موقع پر، زی اسٹوڈیو کے سی بی او شارق پٹیل نے فلم کے تعلق سےاپنے خیالات کا اظہار اس طرح کیا ’’جورام دلکش کہانی ہےجس میں بتایا گیا ہے کہ کس طرح عام آدمی اپنے خون کی حفاظت کیلئے تمام رکاوٹوں کو عبور کر کے ان پر قابو پاتا ہے۔اس فلمکا’’ بگ اسکرین مقابلہ‘‘ میں منتخب ہونا اعزاز کی بات ہے اور زی اسٹوڈیوز روٹرڈیم کے ۵۲؍ویں بین الاقوامی فلم فیسٹیول میں فلموں کےبین الاقوامی پریمیئر کا منتظر ہے۔