نانی کی سالگرہ پر فلم ’’دی پیراڈائز‘‘ کا پہلا گانا ’’آیا شیر‘‘ جاری کر دیا گیا، جس نے ریلیز ہوتے ہی سوشل میڈیا پر دھوم مچا دی۔ فلم کی ریلیز تاریخ تبدیل کردی گئی ہے۔ اب یہ ۲۱؍ اگست کو ریلیز ہوگی۔

جنوبی ہند کے معروف اداکار نانی کی آنے والی فلم ’’دی پیراڈائز‘‘ اس سال کی بڑی ریلیز میں شمار ہو رہی ہے۔ ان کی سالگرہ کے موقع پر میکرز نے پہلا گانا ’’آیا شیر‘‘ جاری کیا، جو ریلیز کے فوراً بعد ٹرینڈ کرنے لگا۔ نانی نے انسٹاگرام پر پوسٹر شیئر کرتے ہوئے لکھا کہ ’’آپ میں سے ہر ایک کا شکریہ کہ آپ نے مجھے اتنی محبت دی اور مجھے اپنایا۔ جب دو دیوانے لڑکے ایک مشن پر جاتے ہیں تو یہی ہوتا ہے۔ ‘‘

 

 

 

 

 

View this post on Instagram

 

 

 

 

 

 

 

 

 

 

 

A post shared by Nani (@nameisnani)

’’آیا شیر‘‘ کی جاندار بیٹس اور گرج دار کورس نے شائقین کو فوری طور پر متاثر کیا۔ دھوئیں اور افراتفری سے بھرپور بصری انداز فلم کے بڑے پیمانے کی جھلک پیش کرتا ہے۔ گانے میں نانی سرخ بلیزر اور منفرد لک میں نظر آ رہے ہیں، جبکہ ہجوم کے ساتھ جشن کا منظر اسے ایک ماس اینتھم کا رنگ دیتا ہے۔ ٹریک کو کسرلا شیام کمار نے لکھا ہے اور آواز ادولا جانگیریڈی، اکونوری دیویہا اور معروف موسیقار انیرودھ روی چندر نے دی ہے۔

یہ بھی پڑھئے: نیٹ فلکس کی ’’پرائیڈ اینڈ پریجوڈیس‘‘ کا ٹیزر جاری

پروڈکشن ہاؤس ایس ایل وی سنیماز نے تصدیق کی ہے کہ فلم اب مارچ کے بجائے ۲۱؍ اگست کو سنیما گھروں میں ریلیز ہوگی۔ اس اعلان نے فلم کے گرد تجسس اور توقعات میں مزید اضافہ کر دیا ہے۔ دلچسپ بات یہ ہے کہ اداکار راگھو جویال اس فلم کے ذریعے تیلگو سنیما میں قدم رکھ رہے ہیں۔ انہوں نے انکشاف کیا ہے کہ وہ اپنے کردار کے لیے بڑی جسمانی اور اسٹائل تبدیلی سے گزر رہے ہیں۔

یہ بھی پڑھئے: ممتا کلکرنی کا دیویا بھارتی کو ۵۲؍ ویں یومِ پیدائش پر خراج عقیدت، تصویر جاری کی

نانی نے اسی موقع پر ہدایتکار سوجیت کے ساتھ اپنی اگلی ایکشن فلم ’’بلڈی رومیو‘‘ کا بھی اعلان کیا، جس کا ٹیزر سوشل میڈیا پر وائرل ہو چکا ہے۔