ناصر خان نے اپنےبھائی دلیپ کمار کے ساتھ بھی گنگا جمنا نامی فلم میں اداکاری کے جوہر دکھائے۔ اس فلم کے بعد وہ ۱۹۷۰ءتک اسکرین سے دور رہے اور پھر یادوں کی بارات جیسی فلم سے چھوٹےموٹے کردار نبھانے کا آغازکیا۔

آپ نے فلم ’گنگنا جمنا‘ تو دیکھی ہوتی اور اس فلم میں گنگاکو تو جانتےہی ہونگے، یہ ایک ایساکردار ہےجو دلیپ کمار نے ادا کیا تھا۔ اس کے ساتھ ہی اس فلم میں مرکزی کردار گنگا کے بھائی کو بھی دیکھا ہوگا جوحقیقی زندگی میں بھی اداکار دلیپ کمارکےحقیقی بھائی ناصر خان تھے۔ حالانکہ گنگا جمنا ناصرخان کی چند اہم فلموں میں شمار ہوتی ہے لیکن، ایسا نہیں کہ وہ صرف اسی فلم میں نظر آئے، بلکہ انہوں نے اس کے علاوہ بھی بہت ساری فلموں میں کام کیا۔ آج ہم انہی ناصر خان کا تذکرہ کررہے ہیں۔ 
انہوں نے ۱۹۴۵ء میں اپنا فلمی سفر فلم ’مزدور‘ سے شروع کیا۔ چند فلموں میں کام کرنے کے بعد جب پاکستان کا قیام عمل میں آیا تو وہ لاہور منتقل ہوگئے۔ وہاں انہوں نےپاکستان میں بننے والی پہلی فلم ’تیری یاد‘میں ‌کام کیا تھا۔ اس کے بعد انہوں نے ایک اور پاکستانی فلم شاہدہ میں کام کیا جو ۱۹۴۹ء میں ریلیز ہوئی۔ لیکن دونوں ہی فلمیں کامیاب قرار نہیں دی جاسکیں، اس کے بعد وہ ہندوستان لوٹ آئے۔ یہاں آکرانہوں نےممبئی کی فلمی دنیا سے وابستگی اختیار کرلی۔ ممبئی میں دوبارہ فلمی سفر شروع کرنے کے بعد نگینہ اُن کی پہلی فلم تھی۔ اس فلم میں ‌ وہ نوتن کے ساتھ نظرآئے۔ یہ بالی ووڈ کی کامیاب ترین فلم تھی۔ اداکارہ نوتن کے ساتھ ان کی چند مزید فلمیں ‌ریلیز ہوئیں ‌ جن میں آغوش اور شیشم شامل ہیں۔ ناصر خان نے اپنےبھائی دلیپ کمار کے ساتھ بھی گنگا جمنا نامی فلم میں اداکاری کے جوہر دکھائے۔ اس فلم کے بعد وہ ۱۹۷۰ءتک اسکرین سے دور رہے اور پھر یادوں کی بارات جیسی فلم سے چھوٹےموٹے کردار نبھانے کا آغازکیا۔ ناصر خان کی آخری فلم بیراگ تھی جو ۱۹۷۶ءمیں ان کی موت کے بعد ریلیز ہوئی، اس فلم میں بھی دلیپ کمار ان کے ساتھ تھے۔ 
ناصر خان غلام سرور علی خان اور عائشہ بیگم کی اولادتھے۔ وہ ۱۱؍ جنوری۱۹۲۴ءکوپیداہوئے۔ ناصر خان اپنے بھائی دلیپ کمار سے عمرمیں ۲؍سال چھوٹےتھے۔ اداکار ناصر خان کی پہلی شادی ثریا نذیرسے ہوئی تھی جو لیجنڈری فلم میکر نذیر احمد خان کی بیٹی تھیں۔ اللہ نےانھیں ‌ ایک بیٹی سے نوازا جس کا نام انھوں نےناہید خان رکھا۔ ناصر خان نے اپنے وقت کی مشہور اداکار بیگم پارہ سے دوسری شادی کی اور ان کے بطن سے ایک بیٹےکے باپ بنے۔ ان کا بیٹا ایوب خان بھی اداکار بنا۔ ۳؍مئی۱۹۷۴ءکوناصر خان محض ۵۰؍ سال کی عمر میں ‌ وفات پاگئے۔