یو ایف سی ایلیٹ کلاس میں شامل۔مکس مارشل آرٹس یو ایف سی میں روس کے علاقے داغستان سے تعلق رکھنے والے اسلام مخاشیف لائٹ ویٹ کے بعد ویلٹر ویٹ چیمپئن بن کرڈبل بیلٹ جیتنے والے چند ریسلرز میں شامل ہو گئے۔

 اسلام مخاشیف نے دفاعی چیمپئن آسٹریلیا کے جیک میڈالینا کو یکطرفہ مقابلے کے بعد شکست دی۔ مکس مارشل آرٹس یو ایف سی میں روس کے علاقے داغستان سے تعلق رکھنے والے  اسلام مخاشیف لائٹ ویٹ کے بعد ویلٹر ویٹ چیمپئن بن کرڈبل بیلٹ جیتنے والے چند ریسلرز میں شامل ہو گئے۔

LEGACY CONFIRMED 🏆🏆@MAKHACHEVMMA tied Anderson Silva last night with his 16th straight win for the longest win streak in UFC history 👏

[ #VeChain #UFC322 ] pic.twitter.com/7jjvMfX5bc

— UFC (@ufc) November 16, 2025

میڈیسن اسکوائر گارڈن نیو یارک میں ہونے والے مقابلے میں۱۵۵؍ کلوگرام زمرے  سے۱۷۰؍ کلو گرام مقابلے میں منتقل ہونے والے سابق لائٹ ویٹ چیمپئن اسلام مخاشیف نے دفاعی چمپئن آسٹریلیا کے جیک میڈالینا کو یکطرفہ مقابلے کے بعد ۴۵۔۵۰، ۴۵۔۵۰  اور ۴۵۔۵۰سے شکست دی۔ پانچ راؤنڈز پر مشتمل فائٹ کے دوران اسلام مخاشیف پوری طرح اپنے حریف جیک میڈا لینا پر حاوی رہے اور انہیں اپنی گریپلنگ اسکلز کے ذریعے گرا کر ان پر مکوں اور کہنیوں کی بمباری کرتے رہے۔ 

یہ بھی پڑھئے:سوڈان: اقوام متحدہ کا دارفور کی صورتحال پر اظہارِ تشویش، حالات ’’ناقابلِ بیان‘‘

یہ جیک میڈا لینا کی  ۲۰۱۶ء کے بعد پہلی شکست ہے، اس سے قبل میڈا لینا کا ریکارڈ۔۲۔۱۸؍ تھا جو اب ۳۔۱۸؍ہو گیا ہے جبکہ اسلام مخاشیف کا ایم ایم اے ریکارڈ۰۱۔۲۸؍ ہو گیا ہے۔  ویلٹر ویٹ چیمپئن بننے کے بعد اسلام مخاشیف کا کہنا  تھا یہ میرا خواب تھا کہ ڈبل چیمپئن بنوں جو آج پورا ہو گیا ہے۔ اگلے مقابلے سے متعلق سوال پر اسلام مخاشیف نے امریکی صدر کو مخاطب کرتے ہوئے کہا کہ ڈونالڈ ٹرمپ وائٹ ہاؤس کے دروازے کھولو میں آ رہا ہوں۔ 

یہ بھی پڑھئے:تیسری سہ ماہی میں جاپان کی معیشت ۸ء۱؍ فیصد سکڑ گئی

اسلام مخاشیف مسلسل ۱۶؍ فائٹس جیتنے کے بعد یو ایف سی کی ایلیٹ کیٹیگری میں بھی شامل ہو گئے ہیں اور انہوں نے سابق لائٹ ویٹ  چیمپئن اینڈرسن سلوا کا ۱۶؍ فائٹس جیتنے کا ریکارڈ برابر کر دیا ہے۔ یو ایف سی کی تاریخ میں اب تک صرف۱۱؍ ایسے فائٹرز رہے ہیں جنہوں نے ایک ساتھ دو بیلٹ جیتے ہیں۔