سیف علی خان کا چھوٹا بیٹا جہانگیر تصویر کھنچوانے کا شوقین

Updated: September 24, 2022, 12:15 PM IST | Agency | Mumbai

تصویر کشی کرنے والوں کو دیکھ کر ان کی جانب کھنچا چلا جاتا ہے،روکنے پر ضد کرتے ہوئے زمین پر بیٹھ گیا،ویڈیو سے عوام کا دل خوش

In the first picture, Jahangir stopped looking at the photographers and sat on the ground when he was dragged .Picture:INN
پہلی تصویر میں جہانگیر فوٹوگرافروں کو دیکھ کر رکا،جب اسے کھینچا گیا تو وہ زمین پر بیٹھ گیا۔ تصویر:آئی این این

 سیف علی خان اورکرینہ کپور خان کا چھوٹا بیٹا جہانگیر علی خان عرف’جیہ‘سب کی آنکھوں کا تارا بن گیاہے۔مداح جہانگیرکی ایک جھلک دیکھنے کے لیے بےتاب ہیں اور یہ اسٹارکڈ اس قدر مقبول ہو چکا ہے کہ سوشل میڈیا پر اس کے نام سے کئی فین پیجز بن چکےہیں، جن پر مداح جہانگیراور تیمور کی تصاویر اور ویڈیوز شیئر کرتے رہتے ہیں۔اسی سلسلے میں جہانگیر کا ایک نئی ویڈیو سوشل میڈیا پر سامنے آیا ہے۔ ویڈیومیں، جہانگیر سرخ شارٹس اور پیلے رنگ کےکروکس پہنے ہوئے بہت خوبصورت نظر آ رہا ہے۔ جب پیارے اسٹار کڈ کو پاپرازی نےدیکھا تو جہانگیر کی آیا اسے آگےلے جارہی ہے۔ فوٹوگرافروں کے گروپ کو دیکھ کر جہانگیر متوجہ ہو جاتا ہے اور نینی سے اپنا ہاتھ چھڑا کر فوٹوگرافروں کی طرف چل پڑتاہے۔ آیاسےہاتھ چھڑانے کے بعد، جیہ پہلے فوٹوگرافروں کی طرف جاتا ہے اورجب اسے وہاں جانے سے منع کیا جاتا ہے تو وہ فرش پر بیٹھ جاتا ہے۔ اس کایہ پیارا انداز دیکھ کر سب اس کی طرف دیکھنے لگے۔اس کے بعد جہانگیرکی آیا اسے گود میں اٹھا کر وہاں سےچلی جاتی ہے۔ واضح رہےکہ جہانگیراپنے بڑےبھائی تیمور سے بالکل مختلف ہے۔ جبکہ تیمور کو کئی بار فوٹوگرافروں پر چیختے ہوئے دیکھا گیا ہے، جہانگیرکو فوٹوگرافر پسند ہیں۔کمنٹ سیکشن میںایک صارف نے اس ویڈیو پر تبصرہ کیا-یہ بہت پیارا ہے۔ اسی وقت، ایک اور صارف نے جہانگیر کے ویڈیو پر لکھا – وہ فوٹوگرافروں کو پسندکرتا ہے۔ واضح رہےکہ تیمور کے نام پر تنازع کے بعدکرینہ اور سیف نے اپنے بیٹے جہانگیر کا پورا نام ظاہر نہیں کیا۔

متعلقہ خبریں

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK