یش راج فلمز کے بینر تلے بننے والی اس فلم کے ہدایتکار موہت سوری ہیں جبکہ چنکی پانڈے کے بھتیجے آہان پانڈے، انیت پڈا کے ساتھ مرکزی کردار ادا کررہے ہیں۔

چنکی پانڈے کے بھتیجے اور اننیا پانڈے کے کزن بھائی آہان پانڈے نے یش راج فلمز اور فلمساز موہت سوری کی لو اسٹوری فلم ’’سیارہ‘‘ سے بالی ووڈ میں اپنے اداکاری کے کریئر کا آغاز کرنے والے ہیں۔ وہ پردۂ سیمیں پر انیت پڈا کے ساتھ نظر آئیں گے۔ ’’سیارہ‘‘ کا ٹیزر حال ہی میں آن لائن ریلیز کیا گیا جو ’’عاشقی ۲‘‘ اور ’’ملنگ‘‘ سے ملتا جلتا ہے۔ دلچسپ بات یہ ہے کہ مذکورہ دونوں ہی فلمیں موہت سوری کی ہیں۔ 

ایک منٹ ۱۵؍ سیکنڈ کے ٹیزر نے محبت کی داستان کی جھلکیاں دکھائی ہیں۔ اسے جاری کرتے ہوئے یش راج فلمز نے سوشل میڈیا پر لکھا کہ ’’محبت کی ایک کہانی جو آپ کا دل توڑے گی بھی اور پھر اسے جوڑ بھی دے گی۔‘‘ فلم کی کہانی اور اسکرین پلے سنکلپ صدانا اور مکالمے روہن شنکر کے ہیں۔اس کی موسیقی متون، سچے پرمپارا، رشبھ کانت، وشال مشرا، تنشک باغچی، فہیم عبداللہ، ارسلان نظامی نے ترتیب دی ہے اور اس کے بول ارشاد کامل، متون، رشبھ کانت، راج شیکھر نے لکھے ہیں۔ یہ فلم ۱۸؍ جولائی ۲۰۲۵ء کو سنیما گھروں میں ریلیز ہوگئی۔