ہندوستانی سُپر اسٹار سلمان خان کو بالی ووڈ انڈسٹری میں ۳۵؍ برس مکمل ہوگئے۔ ۱۹۸۸ء میں پہلی فلم ’بیوی ہو تو ایسی‘ میں اداکارہ ریکھا کے دیور کا کردار ادا کرنے والے سلمان کو بالی ووڈ پر راج کرتے ہوئے ۳۵؍ برس مکمل ہوگئے۔

ہندوستانی سُپر اسٹار سلمان خان کو بالی ووڈ انڈسٹری میں ۳۵؍ برس مکمل ہوگئے۔ ۱۹۸۸ء میں پہلی فلم ’بیوی ہو تو ایسی‘ میں اداکارہ ریکھا کے دیور کا کردار ادا کرنے والے سلمان کو بالی ووڈ پر راج کرتے ہوئے ۳۵؍ برس مکمل ہوگئے۔ اپنی دوسری فلم ’میں نے پیار کیا‘ میں سلمان خان نے مرکزی کردار نبھایا اور خوب شہرت سمیٹی جس میں بھاگیہ شری، موہنش بہل، آلوک ناتھ اور ریما لاگو نے بھی اداکاری کی تھی۔ اس فلم کے بعد سلمان نے پیچھے مڑ کر نہیں دیکھا اور کامیاب فلموں کی ایک لمبی فہرست بنا دی۔ ۳۵؍برسوں میں سلمان خان نے بے شمار فلموں میں کام کیا اور بہت سارے ورسٹائل کردار ادا کر کے اپنی پہچان بنائی۔ ’کک‘اور ’دبنگ‘ جیسی ایکشن سے بھرپور بلاک بسٹر سے لے کر ’بجرنگی بھائی جان‘اور ’ہم آپ کے ہیں کون‘ جیسی بہترین فلموں تک انہوں نے اچھا کام کیا۔ایکشن سیکوئنس اور جذباتی مناظر کے درمیان بغیر کسی رکاوٹ کے منتقل ہونے کی صلاحیت ان کے کریئر کی خاصیت رہی ہے۔