ایران پر میزائل حملوں کے بعد دبئی ایئرپورٹ پر تمام پروازیں روک دی گئی ہیں۔ اس صورتحال میں بالی ووڈ اداکارہ سونل چوہان دبئی ایئرپورٹ پر پھنس گئی ہیں۔ اداکارہ نے پوسٹ کے ذریعے ہندوستان حکومت سے مدد کی اپیل کی ہے۔

امریکہ اور اسرائیل کے ایران پر حملوں کے بعد حالات خراب ہوتے جا رہے ہیں۔ اب اس کشیدگی کا براہِ راست اثر انٹرٹینمنٹ انڈسٹری پر بھی پڑا ہے۔ اداکارہ اور گلوکارہ سونل چوہان دبئی ایئرپورٹ پر پھنس گئی ہیں اور انہوں نے ایکس  پر پوسٹ کر کے وزیراعظم مودی سے مدد کی درخواست کی ہے۔
حقیقت یہ ہے کہ امریکہ-اسرائیل کے حملوں کے بعد ایران جواب دینے کے موڈ میں ہے۔ خلیجی علاقے میں امریکی فوجی اڈوں کو ایران براہِ راست نشانہ بنا کر میزائل داغ رہا ہے۔ دبئی میں بھی حملے ہو رہے ہیں۔ اسی وجہ سے دبئی ایئرپورٹ اور آل مکٹوم انٹرنیشنل ایئرپورٹ سے تمام پروازیں روک دی گئی ہیں۔

یہ بھی پڑھئے:مارچ میں’’ قصہ کورٹ کچہری کا‘‘،’’ٹاکسک‘‘اور ’’دُھرندھر۲‘‘ کی ریلیز

اداکارہ-گلوکارہ کی وزیراعظم سے اپیل 
ایسے مشکل وقت میں اداکارہ اور گلوکارہ سونل چوہان نے وزیراعظم مودی کو ٹیگ کر کے مدد کی درخواست کی ہے۔ اداکارہ نے پوسٹ میں لکھا ’’معزز وزیراعظم مودی جی، میں اس وقت دبئی میں جاری بحران کی وجہ سے پھنس گئی ہوں۔ پروازیں منسوخ ہو گئی ہیں اور  ہندوستان  واپس آنے کا کوئی صاف راستہ نہیں ہے۔ میں حکومت سے محفوظ سفر کے لیے رہنمائی کی درخواست کرتی ہوں اور کسی بھی مدد کے لیے شکر گزار ہوں۔ ‘‘
ایران کی جوابی کارروائی کے بعد دبئی انٹرنیشنل (ڈی ایس بی ) اور  آل مکتوم انٹرنیشنل  (ڈی ڈبلیو سی )  جیسے دنیا کے سب سے مصروف ہوائی اڈے غیر معینہ مدت کے لیے بند کر دیے گئے ہیں۔ سونل چوہان بھی ان ہزاروں مسافروں میں شامل ہیں جو اچانک آنے والی اس مشکل صورتحال کی وجہ سے راستے میں پھنس گئی  ہیں۔

یہ بھی پڑھئے:چنئی سپر کنگز کے پری سیزن کیمپ میں دھونی بھی حصہ لیں گے

سونل چوہان کون ہیں؟ 
سونل چوہان بالی ووڈ کی ایک معروف اداکارہ، ماڈل اور گلوکارہ ہیں جنہوں نے اپنی پہلی ہی فلم سے ناظرین کے درمیان خاص پہچان بنا لی تھی۔ سونل چوہان کو سب سے زیادہ شہرت ۲۰۰۸ء میں آنے والی فلم ’’جنت‘‘ سے ملی تھی، جس میں وہ عمران ہاشمی کے ساتھ نظر آئیں۔ آج بھی انہیں ’’جنت گرل‘‘ کے نام سے یاد کیا جاتا ہے۔ سونل صرف اداکاری تک محدود نہیں رہیں، وہ ایک بہترین گلوکارہ بھی ہیں اور انہوں نے اپنی فلم ادا میں گانا بھی گایا ہے۔ سونل صرف بالی ووڈ ہی نہیں بلکہ ساؤتھ انڈین فلموں میں بھی کافی مقبول ہیں۔ کچھ عرصہ قبل سونل کو پربھاس کی مرکزی کردار والی میگا بجٹ فلم ’’آدی پُروش  اور ناگارجن کی فلم ’’دی گھوسٹ‘‘ میں دیکھا گیا تھا۔