۲۰۲۴ء میں، کارتک آرین کی فلم ’’بھول بھولیا ۳‘‘ ، جس میں ودیا بالن اور مادھوری دکشٹ بھی تھیں، باکس آفس پر بڑی کامیابی حاصل کی اور اس کے گانے خاص طور پر ’’میرے ڈھولنا۳‘‘ ، جو سونو نگم نے گایا، کو بہت محبت اور تعریف ملی۔

۲۰۲۴ء میں، کارتک آرین کی فلم ’’بھول بھولیا ۳‘‘ ، جس میں ودیا بالن اور مادھوری دکشٹ بھی تھیں، باکس آفس پر بڑی کامیابی حاصل کی اور اس کے گانے خاص طور پر ’’میرے ڈھولنا۳‘‘ ، جو سونو نگم نے گایا، کو بہت محبت اور تعریف ملی۔  حقیقت یہ ہے کہ سونو نگم کو اسی گانے کے لیے فلم فیئر کے  بہترین گلوکار  کے کیٹیگری کے لیے نامزد بھی کیا گیا  لیکن موسیقار امال ملک نے اب انکشاف کیا ہے کہ شروع میں لوگوں کو یہ یقین نہیں تھا کہ سونو نگم اس گانے کے لیے صحیح انتخاب ہیں۔
پنک ویلا کے ساتھ ایک انٹرویو میں، امال ملک نے بتایا کہ انہوں نے ایک آئیکونک گلوکار جیسے سونو نگم کو شامل کرنے کے لیے کس طرح جدوجہد کی اور بتایا کہ اداکار کی ٹیم (کارتک آرین) بھی چاہتی تھی کہ یا تو ارِیجیت سنگھ یا وشال مشرا کو لیا جائے، لیکن وہ یقین رکھتے تھے کہ سونو نگم ہی صحیح انتخاب ہیں۔
انہوں نے مزید کہا کہ ’’ وہ  ’’میرے ڈھولنا۳‘‘ گانے کے لیے سونو نگم جیسے شاندار گلوکار کو نہیں چاہتے تھے؛ انہیں یقین نہیں تھا کہ ہمیں سونو نگم جیسے کسی کے ساتھ جانا چاہیے اور اب، وہ ہر جگہ ہیں۔ ایک گانا سب کچھ بدل دیتا ہے۔ حتیٰ کہ انہیں بھی یہ مراحل سے گزرنا پڑتا ہے! ایسے لیجنڈری اور باصلاحیت شخص کے لیے، آپ انہیں وٹنس باکس میں کھڑا کرتے ہیں، ٹیسٹ لیتے ہیں! پھر ہم کہاں کھڑے ہیں۔‘‘

یہ بھی پڑھئے:کولمبو کا موسم پاکستان کا ویلن بننے کو تیار: ورلڈ کپ سے اخراج کا خطرہ منڈلانے لگا

انہوں نے مزید بتایا کہ سب لوگ سونو نگم پر قائل نہیں تھے کہ ’’  بھوشن کمار سر قائل تھے۔ اے این آر قائل تھے۔ ڈائریکٹر قائل تھے۔ مارکیٹنگ ٹیم سے کوئی آ رہا ہے،اداکار کی ٹیم سے، منیجر آ رہا ہے جو پھر کہہ رہے ہیں ‘ہم ارِیجیت سنگھ کیوں نہیں لیتے؟ وشال مشرا کیوں نہیں لیتے؟  اور میں سمجھتا ہوں کیونکہ میرے انتخاب یہی تین تھے، میں تھوڑی بولڈ آواز چاہتا تھا۔ میں نے سوچا کہ اس ملک میں کلاسیکی موسیقی کی نمائندگی کرنے والا ایک ہی شخص ہے، وہ سونو سر ہیں اور میں جانتا تھا کہ وہ اسے بہترین طریقے سے کر سکتے ہیں۔‘‘

یہ بھی پڑھئے:منوج باجپائی کی ’’گھوس خور پنڈت‘‘ عنوان کے سبب تنازع کا شکار

امال ملک نے مزید بتایا کہ  ’’میرے ڈھولنا ۳؍ان کے لیے سب سے مشکل گانا تھا اور سونو نگم نے اسے صرف۴۵؍ منٹ میں مکمل کیا۔  جسے میں نے دوبارہ کمپوز کیا۔ پریم داس کا اصل ورژن جسے میں نے نئے انداز میں بنایا۔ آخر میں جو سرگم ہے، کسی بھی کلاسیکی موسیقار سے پوچھیں، آپ سوچیں گے کہ اسے مکمل کرنے میں کم از کم۵؍گھنٹے لگیں گے۔ ہم نے اسٹوڈیو ۷؍سے ۱۲؍ رات کے لیے بک کیا تھا۔ وہ امریکہ سے ایک شو کے بعد ۱۰؍ بجے آئے اور تقریباً  پونے ۱۱؍ یا۱۱؍ بجے ختم کیا اور پھر سب کہنے لگے ‘واہ، کیا گانا ہے!‘‘ موسیقار نے یہ بھی بتایا کہ ایک وقت ایسا آیا جب فلم ساز انہیں ہٹانے کا سوچ رہے تھے کیونکہ وہ ان کی نہیں سن رہے تھے ۔