ہندوستانی اداکارہ اور ریئلیٹی شو جج ارچنا پورن سنگھ نے اپنی اور شوہر پرمیت سیٹھی کی تصویر پرتبصرہ کرنے والی خاتون کواچھا جواب دے دیا۔

ہندوستانی اداکارہ اور ریئلیٹی شو جج ارچنا پورن سنگھ نے اپنی اور شوہر پرمیت سیٹھی کی تصویر پرتبصرہ کرنے والی خاتون کواچھا جواب دے دیا۔ انسٹاگرام پر ارچنا نے اپنی اور شوہر پرمیت کی سوئزر لینڈ میں سیروسیاحت کی ایک تصویر شیئر کی تھی۔تصویر کے ساتھ عنوان میں ارچنا نے تحریر کرتے ہوئے بتایا تھاکہ یہ کچھ دیر قبل کی تصویر ہے ۔ساتھ میں انہوں نے یہ بھی لکھا تھاکہ گوگل مجھے یاد دہانی کرواتا رہتا ہے کہ زندگی کتنی حسین  ہے۔ ارچنا کی اس تصویر پر ایک خاتون نے تبصرہ کرتے ہوئے لکھ دیا کہ’’عورت کم آدمی زیادہ لگ رہی ہو۔ کپل شرما صحیح کہتا ہے کہ آپ کو اپنا حسن نکھارنے میں کافی وقت لگا ہوگا۔‘‘ارچنا نے بھی بغیر وقت ضائع کئے  اس صارف کو جواب دیتے ہوئے لکھا کہ’’کتنی گھٹیا سوچ رکھتی ہو اتنی کم عمر میں۔ تھوڑا پڑھ لکھ لیتی تو پتا چلتا کہ بڑوں سے کیسے پیش آتے ہیں۔‘‘انہوں نے مزید لکھا کہ’’آپ تمام خواتین کی عزت کرنا سیکھیں۔ آپ خود  ایک خاتون ہوکردوسری خاتون کی عزت نہیں کروگی تو مردوں سے کیسے اپنے لئے عزت کی امید رکھی جائے ؟‘‘ ارچنا پورن سنگھ کے اس جواب کے بعد خاتون کو اپنا کمنٹ ڈیلیٹ کرنا پڑ گیا۔