روڈ ٹرانسپورٹ اور ہائی ویز کے وزیر نتن گڈکری نے جمعرات کو لوک سبھا کو بتایا کہ نئی پالیسی کے تحت ٹول ٹیکس اس مقام سے لگایا جائے گا جہاں سے کوئی گاڑی سڑک پر داخل ہوتی ہے۔

 روڈ ٹرانسپورٹ اور ہائی ویز کے وزیر نتن گڈکری نے جمعرات کو لوک سبھا کو بتایا کہ نئی پالیسی کے تحت ٹول ٹیکس اس مقام سے لگایا جائے گا جہاں سے کوئی گاڑی سڑک پر داخل ہوتی ہے۔ 
وقفہ سوالات کے دوران ایک سوال کا جواب دیتے ہوئے گڈکری نے کہا کہ نئی پالیسی کے تحت گاڑیوں کو اب اگلے چوکی پر اس مقام سے ٹول ٹیکس ادا کرنا ہوگا جہاں سے وہ سڑک میں داخل ہوں گی۔ اگر کوئی گاڑی ۱۵؍ کلومیٹر کا سفر طے کرنے کے بعد کسی ٹول چوکی پر پہنچتی ہے تو اسے صرف اس فاصلے کے لیے ٹول ٹیکس ادا کرنا ہوگا۔ 
انہوں نے مزید کہا کہ نئی پالیسی کے تحت ۱۵؍ روپے میں بھی ایک ٹول چوکی پار کی جا سکتی ہے۔ ٹول چیک پوائنٹس پر قطاروں کو ختم کرنے اور گاڑیوں کو۸۰؍ کلومیٹر فی گھنٹہ کی رفتار سے ٹول چوکیوں کو عبور کرنے کی اجازت دینے کی کوششیں جاری ہیں۔ چیک پوائنٹ پر گاڑی کی نمبر پلیٹ اور فاسٹیگ ریکارڈ کرنے کے بعد ٹیکس خود بخود کٹ جائے گا۔ 

یہ بھی پڑھئے:نیدرلینڈز: غربت میں پانچ سال بعد اضافہ، نصف ملین سے زائد افراد متاثر

کانگریس لیڈر دیپیندر ہڈا کے ایک سوال کے جواب میں انہوں نے کہا کہ ہریانہ میں پچھلے ۱۲؍برسوں میں سب سے زیادہ سڑکیں بنی ہیں، یہی وجہ ہے کہ اس میں ٹول پلازوں کی تعداد سب سے زیادہ ہے۔ ہریانہ اور پنجاب میں ٹریفک کی کثافت بھی سب سے زیادہ ہے۔ جہاں مزید نئی سڑکیں بنیں گی وہاں مزید ٹول پلازے بنیں گے۔ 

یہ بھی پڑھئے:مس انڈیا ۱۹۶۴ء اور معروف فیشن صحافی مہر کاسٹیلینو کا ۸۱؍ برس کی عمر میں انتقال

 گڈکری نے کہا کہ سرسہ لوک سبھا حلقہ میں سڑکوں کی مرمت کی کوشش کی جارہی ہے۔ نیشنل ہائی وے ۷۰۳؍کی تجویز ہے، اور ایک فزیبلٹی رپورٹ کا مطالعہ کیا جا رہا ہے۔ اسے جلد شروع کرنے کی کوشش کی جائے گی۔ 
کانگریس جنرل سکریٹری پرینکا گاندھی واڈرا کے ایک سوال کے جواب میں انہوں نے کہا کہ چنڈی گڑھ-شملہ سڑک پر لینڈ سلائیڈنگ کے بڑھتے ہوئے واقعات کے جواب میں خصوصی ٹیکنالوجی کا استعمال کیا جا رہا ہے۔ لینڈ سلائیڈنگ کی نگرانی، نکاسی آب کے نظام اور مضبوط تعمیرات کے لیے جدید سوئس ٹیکنالوجی کا استعمال کیا جا رہا ہے۔