نیٹ فلکس نے ’’سارے جہاں سے اچھا‘‘کاٹریلر ریلیز کر دیا ہے جسے ۱۹۷۰ء میں ہندوستان کو نیوکلیائی تباہی سے بچانے کی جدوجہد پر فلمائی گئی سیریز ہے۔ سیریز میں پرتیک گاندھی نےو شنو شنکر کا کردار نبھایا ہے جو ۱۳؍ اگست ۲۰۲۵ءکو نیٹ فلکس پر ریلیزہوگی۔

نیٹ فلکس نے راء ایجنٹ وشو شنکر (پرتیک گاندھی) پر بنائی گئی سیریز ’’سارے جہاں سے اچھا‘‘ کا ٹریلرریلیزکیا ہے۔ اس سیریز میں پرتیک گاندھی نے راء ایجنٹ وشنو شنکرکا کردار نبھایا ہے جنہوں نے پاکستان کے خلاف ہندوستانی مشن کی قیادت کی تھی۔ سوال یہ ہے کہ وہ اپنے مشن میں کامیاب ہوں گے یا نہیں۔

⁠Message decoded. The trailer for Saare Jahan Se Accha is out now 🚨
Watch Saare Jahan Se Accha, out 13 August, only on Netflix.#SaareJahanSeAcchaOnNetflix pic.twitter.com/Xx85wSuOgo

— Netflix India (@NetflixIndia) August 4, 2025

حب الوطنی پر بنائی گئی سیریز کا ٹریلر آج ریلیز کیا گیا ہے جس میں راء ایجنٹس پاکستان کے ہندوستان کو تباہ کرنے کے منصوبے کو ناکام بنانے کیلئے ڈرالنگ مشن پرجاتے ہیں۔ یہ سیریز ۱۹۷۰ء کے وقت پر فلمائی گئی ہے جہاں ایک چھوٹی سی غلطی عالمی نیوکلیائی جنگ میں تبدیل ہوسکتی تھی۔ ’’سارے جہاں سے اچھا‘‘ ہندوستانی راء ایجنٹ اور پاکستان کی آئی ایس آئی کے درمیان ہونے والی لڑائی پر بنائی گئی سیریز ہے۔ وشنو اپنی ذہانت سے آئی ایس آئی کے ایجنٹ مرتضیٰ ملک کو ہرا دیتے ہیں اور ملک کو اس بڑی تباہی سے بچا لیتے ہیں۔

یہ بھی پڑھئے: ’’رانجھنا‘‘ کی ری ریلیز، مداحوں کو اے آئی سے بنایا گیا کلائمیکس پسند نہیں آیا

نیوکلیائی پروگرام کو روکنے اور دنیا کو تباہی سے بچانے کے اپنے ٹاسک کے درمیان وشنو دشمن کی سرحد پار کر لیتے ہیں کیونکہ ان کے پاس ناکامی کا آپشن نہیں ہے اور ملک کی حفاظت کی ذمہ داری ان کے ہاتھوں میں ہے۔ اس سیریز کو گورو شکلا نے بنایا ہے جبکہ اسے بامبے فیبلس نے بھویش منڈالیہ کے ساتھ پروڈیوس کیاہے جو سیریز کے تخلیقی پروڈیوسر بھی ہیں۔ ’’سارے جہاں سے اچھا‘‘ ۱۳؍ اگست ۲۰۲۵ء کو نیٹ فلکس پر ریلیز ہوگی۔