ہدایت کار ساگر امبرے اور پُشکر اوجھا کی ایکشن تھریلر یہ فلم ۱۵؍ مارچ کو ریلیز ہوگی ۔ فلم میںسدھارتھ ملہوترا ، دشاپٹانی اور راشی کھنہ نے مرکزی کردار ادا کئے ہیں۔
EPAPER
Updated: March 12, 2024, 3:28 PM IST | Inquilab News Network | Mumbai
ہدایت کار ساگر امبرے اور پُشکر اوجھا کی ایکشن تھریلر یہ فلم ۱۵؍ مارچ کو ریلیز ہوگی ۔ فلم میںسدھارتھ ملہوترا ، دشاپٹانی اور راشی کھنہ نے مرکزی کردار ادا کئے ہیں۔
سدھارتھ ملہوترا، دشاپٹانی اور راشی کھنہ کی آنے والی فلم ’’یودھا‘‘ ۱۵؍ مارچ کو ریلیز ہوگی۔ اس سے قبل اس فلم کی تشہیری مہم کے طور پر فلم کا ٹریلر ٹائمز اسکوائر کے بل بورڈ پر دکھایا گیا۔ دھرما پروڈکشن نے انسٹاگرام پر ایک ویڈیو شیئرکرتے ہوئے لکھا کہ ’’ہندوستان کے آسمان سے لے کر ٹائمز اسکوائر کی ہلچل تک ہمارا ’’یودھا‘‘ چمک رہا ہے۔ ’’یودھا‘‘ جمعہ سے سنیما گھروں میں۔‘‘
دھرما پروڈکشن نے پیر کو مداحوں کے ساتھ سدھارتھ ملہوترا، دشاپٹانی اور راشی کھنہ نے ملاقات کا ایک ویڈیو بھی شیئر کیا۔
سدھارتھ ملہوترا نےفلم کے بارے میں کہا کہ ’’ میرے خیال میں یہ گزشتہ چند برسوں میں کئے گئے بہترین ایکشن سکیونز میں سے ایک ہے، اور میں اسے مداحوں کے سامنے لانے کے لئے پرُجوش ہوں۔‘‘
