کامیڈین کپل شرمانے ابھیشیک بچن سے ان کی اہلیہ ایشوریہ رائے بچن سے متعلق دلچسپ سوال کیا تو ابھیشیک نے انھیں لاجواب کردیا۔

کامیڈین کپل شرمانے ابھیشیک بچن سے ان کی اہلیہ ایشوریہ رائے بچن سے متعلق دلچسپ سوال کیا تو ابھیشیک نے انھیں لاجواب کردیا۔دراصل ابھیشیک بچن کامیڈین کپل شرماکےشو میں شریک تھے کہ کپل نے ان سے ان کی پیشہ ورانہ زندگی اور گھریلو زندگی کو جوڑ کر ایک دلچسپ سوال کرلیا۔ کپل شرما نے پوچھا کہ آپ کی اہلیہ ایشوریہ رائے خود بھی ایک اداکارہ رہی ہیں، کیا وہ آپ کے رومانوی سین دیکھ کر آپ کو اس سے متعلق تجویز نہیں کرتیں کہ یہ آپ نے کچھ کم یا زیادہ کردیا؟سوال پوچھنے پر پہلے تو ابھیشیک بچن تھوڑی دیر کیلئےخاموش ہوگئے، لیکن کچھ دیر سوچنے کے بعد مسکراتےہوئے کپل کو جواب دیا کہ ’’کیا آپ کی اہلیہ آپ کا شو دیکھتی ہیں؟ کیا انھوں نے کبھی سوال کیا کہ آپ نکیتا کے ساتھ زیادہ بہتر فلرٹ کر سکتے تھے؟‘‘
 کپل نے جواب دیا کہ بیویاں ایسا نہیں بولتیں شاید،جس پر ابھیشیک نے کہا کہ آپ اپنی اہلیہ کو اپنا شو نہیں دکھاتے، اور میں اپنی پکچر نہیں دکھاتا۔ جواب سن کر کپل شرما خاموش ہوگئے اور انھوں نے بات کو بدلنے کی بھی کوشش کی۔