اوکیناوا پریزپرو الیکٹرک اسکوٹر ہندوستان میں لانچ کردی گئی ہے۔ کمپنی نے اپنی اس الیکٹرک اسکوٹر کی ایکس شو روم قیمت ۷۱؍ ہزار ۹۹۰؍ روپے رکھی ہے۔

 نئی دہلی (ایجنسی):اوکیناوا پریزپرو الیکٹرک اسکوٹر ہندوستان میں لانچ کردی گئی ہے۔ کمپنی نے اپنی اس الیکٹرک اسکوٹر کی ایکس شو روم قیمت ۷۱؍ ہزار ۹۹۰؍ روپے رکھی ہے۔ کمپنی کا دعویٰ ہے کہ پریز پرو الیکٹرک اسکوٹر پر گاہک کو ایک کلومیٹر کے سفر پر محض ۲۰؍ پیسے کا خرچ آئے گا۔معلوم ہوکہ ہندوستان میں الیکٹرک گاڑیوں کو حکومت کی طرف سے کافی فروغ دیا جارہا ہے ۔حال ہی میں ہندوستان میں الیکٹرک گاڑیوں پرجی ایس  ۱۲؍ فیصد سے گھٹاکر۵؍ فیصد کیا گیا ہے۔  پرفارمنس کے حساب سے بات کریں تو اس میں برش لیس، واٹر پرو ف ایک کے ڈبلیو کی  ڈی سی موٹر دیا گیا ہے۔ اس میں پاور کیلئے ۲؍کے ڈبلیو ایچ کی لیتھیم آئن بیٹری دی گئی ہے۔ یہ اسکوٹر محض تین گھنٹے میں مکمل چارج ہوجاتا ہے۔ اس اسکوٹر میں ۳؍ ڈرائیونگ موڈ دئیے گئے ہیں۔اس اسکوٹر کا گراؤنڈ کلیئرنس ۱۷۵؍ایم ایم ہے جبکہ یہ ۱۵۰؍ کلو کا وزن برداشت کرسکتی ہے۔