چکن برگر بنانے کی آسان ترکیب ملاحظہ کیجئے۔

درکار اجزاء: برگر بن ۴؍ عدد، تیل ایک بڑا چمچہ، پیاز (پسی ہوئی) ۳؍ بڑے چمچے، ٹماٹر پیسٹ ۲؍ بڑے چمچے، چکن کا قیمہ آدھا کپ، پانی ایک کپ، گاجر (چھوٹی کٹی ہوئی) ایک کپ، پھلیاں ایک کپ، انناس کے ٹکڑے آدھا کپ، چینی ایک بڑا چمچہ، سرکہ ایک چھوٹا چمچہ، تیل (تلنے کیلئے) ۳؍ بڑے چمچے۔
بنانے کا طریقہ: برگر بن کو تیل کی مدد سے دونوں طرف سے سینک لیں۔ اب تیل گرم کر کے دو منٹ پیاز بھونیں اور اس میں سر کہ کے علاوہ باقی تمام چیزیں ڈال دیں۔ پھل اور سبزی کے چھوٹے ٹکڑے کر لیں۔ پھر انہیں۶؍ سے ۸؍ منٹ ڈھانک کر دھیمی آنچ پر پکائیں۔ چمچے ضرورت کے مطابق چلائیں۔ سبزی گَل جائے تو سرکہ ڈال دیں۔ اب چکن کے کباب بناکر اوپر سبزی ڈالیں اور اپنے پسندیدہ سوس کو برگر بنانے میں استعمال کرکے پیش کریں۔