منی بلینس بنانے کی آسان ترکیب ملاحظہ کیجئے۔

درکار اجزاء: میدہ ایک پیالی، گندم کا آٹا آدھی پیالی، خمیر ایک بڑا چمچہ، شکر ۲؍ بڑے چمچے، انڈے ۲؍ عدد، نمک حسب ِ ضرورت، مکھن ۴۰؍ گرام (پگھلا ہوا)، دودھ ایک پیالی (نیم گرم)۔
سجانے کے لئے: سار کریم آدھی پیالی، چیریز آدھی پیالی۔
بنانے کا طریقہ: انڈوں کی سفیدیاں اور زردیاں علاحدہ نکال لیں۔ ایک پیالی دودھ میں خمیر، میدہ اور گندم کا آٹا گھول لیں، شکر، انڈوں کی زردیاں اور نمک بھی ملا لیں۔ فوڈ ریپر سے ڈھانک کر ۳۰؍ منٹ کے لئے گرم جگہ پر رکھ دیں۔ خمیر پھول کر دگنا ہو جائے تو پگھلا ہوا مکھن ملا لیں، پیالی میں انڈوں کی سفیدیاں پھینٹ کر نمک ملا کر اس آمیزے کو خمیر میں ملا دیں۔ نان اسٹک فرائنگ پین میں ذرا سا مکھن گرم کریں اور ایک بڑا چمچہ آمیزہ پین کے درمیان میں پھیلا کر ڈالیں۔ پلٹ کر دونوں اطراف سے بلینس (چھوٹا پین کین) کو گولڈن براؤن سینک لیں۔ بقیہ بیٹر کے اسی طرح بلینس بنالیں، پلیٹ میں نکال کر ٹھنڈا ہونے دیں۔ سرونگ پلیٹ میں بلینس رکھ کر ایک بڑا چمچہ سار کریم ہر بلینس کے اوپر اچھی طرح پھیلا دیں، اوپر سے چیری سجا دیں۔