آج افطار میں بنایئے خاص پکوان ’’آلو، پالک کے پکوڑے‘‘ اس کی آسان ترکیب ملاحظہ کیجئے۔

درکار اجزاء: آلو (باریک قتلے) ۲؍ عدد درمیانے سائز کے، پالک (باریک کٹی ہوئی) ایک کپ، بیسن ایک کپ، چاول کا آٹا ۲؍ بڑے چمچے، لال مرچ پاؤڈر آدھا بڑا چمچہ، ہلدی ایک چوتھائی چھوٹا چمچہ، اجوائن آدھا چھوٹا چمچہ، نمک حسب ِ ذائقہ، پانی حسب ِ ضرورت، کوکنگ آئل تلنے کے لئے۔
بنانے کا طریقہ: پہلے مرحلے میں ایک پیالے میں بیسن، چاول کا آٹا، نمک، لال مرچ، ہلدی اور اجوائن مکس کریں۔ پھر اس مکسچر میں پالک اور آلو شامل کریں اور تھوڑا تھوڑا پانی ڈال کر گاڑھا آمیزہ بنا لیں۔ اب ایک کڑاہی میں تیل گرم کریں اور اس میں چمچہ سے آمیزہ ڈال کر درمیانی آنچ پر پکوڑے سنہری اور خستہ ہونے تک تلیں۔ لیجئے آلو، پالک کے کرسپی پکوڑے تیار ہیں۔ چٹنی یا کیچپ کے ساتھ افطار کے دسترخوان کی زینت بنائیں۔