کباب ملائی ہانڈی بنانے کی آسان ترکیب ملاحظہ کیجئے۔
EPAPER
Updated: November 14, 2026, 3:36 PM IST | Mumbai
کباب ملائی ہانڈی بنانے کی آسان ترکیب ملاحظہ کیجئے۔
درکار اجزاء: سیخ کباب ۱۲؍ عدد، تیل ۳؍ چوتھائی کپ، ادرک لہسن کا پیسٹ ایک بڑا چمچہ، پیاز ایک کپ، دہی ۴؍ سے ۵؍ بڑے چمچے، سفید مرچ پاؤڈر ایک چھوٹا چمچہ، نمک حسب ِ ذائقہ، لال مرچ پاؤڈر ایک سے ۳؍ چھوٹے چمچے، زیرہ پاؤڈر ایک چھوٹا چمچہ، دھنیا پاؤڈر ایک چھوٹا چمچہ، ہری مرچ ۲؍ بڑے چمچے، ہرا دھنیا سجانے کے لئے، بادام پاؤڈر ۲؍ بڑے چمچے، کریم ۳؍ بڑے چمچے، پانی آدھا کپ۔
بنانے کا طریقہ: سب سے پہلے تیار شدہ ۱۲؍ سیخ کباب فرائی کر لیں۔ ایک فرائنگ پین میں تیل گرم کرکے اس میں پیاز، ہری مرچ اور ادرک لہسن کا پیسٹ ڈال کر ۲؍ منٹ کے لئے پکالیں۔ پھر اس میں دہی، نمک، دھنیا پاؤڈر، زیرہ پاؤڈر، سفید مرچ پاؤڈر، بادام پاؤڈر اور کریم ڈال کر مزید ۲؍ منٹ پکائیں، پھر پانی ڈال کر ۴؍ سے ۵؍ منٹ پکائیں۔ اب تیار کئے ہوئے سیخ کباب ڈال کر ۵؍ منٹ کے لئے دَم پر رکھ دیں۔ لیجئے مزیدار کباب ملائی ہانڈی تیار ہے، ہرے دھنیے سے سجا کر پیش کریں۔