انوشکا شرما آخری بار جس فلم میں نظر آئی تھیں، وہ شاہ رخ خان کی ’زیرو‘ تھی۔ تاہم اس کے بعد ۲۰۲۲ء میں نیٹ فلکس کی ڈرامہ فلم ’قلعہ‘ میں ان کا ایک کیمیو بھی تھا۔ چند سال گزر چکے ہیں، لیکن اداکارہ کی ’چکدا ایکسپریس‘ کی ریلیز کے بارے میں کوئی اپڈیٹ سامنے نہیں آئی۔ مداحوں کو یہ بھی معلوم نہیں کہ فلم کا کام مکمل ہوا تھا یا نہیں۔ اب اداکار دیبیندو بھٹاچاریہ نے ایک بڑی معلومات دی ہے۔

بالی ووڈ اداکارہ انوشکا شرما کافی عرصے سے فلموں سے دور ہیں۔ ان کے مداح چاہتے ہیں کہ وہ دوبارہ کام کریں، لیکن اب اس کی امید کافی کم نظر آتی ہے۔ وراٹ کوہلی اس وقت آئی پی ایل کے لیے ہندوستان میں موجود ہیں، مگر یہ جوڑا اپنے بچوں کے ساتھ لندن منتقل ہو چکا ہے۔ انوشکا شرما بھی کبھی کبھار پروموشنز کے لیے ہندوستان آتی ہیں، لیکن زیادہ تر لندن میں ہی رہتی ہیں۔ تاہم ان کی ایک فلم اب بھی رکی ہوئی ہے، جسے لوگ دیکھنا چاہتے ہیں۔ جھولن گوسوامی کی بایوپک فلم ’’چکدا ایکسپریس‘‘ میں انوشکا شرما نے مرکزی کردار ادا کیا ہے۔ پوری فلم کی شوٹنگ مکمل ہو چکی تھی اور۲۰۲۲ ءمیں فلم ایڈیٹنگ کے مرحلے میں چلی گئی تھی۔ اسے نیٹ فلکس پر ریلیز کیا جانا تھا، لیکن اب تک فلم ریلیز نہیں ہو سکی۔ اس بارے میں دیبیندو بھٹاچاریہ نے اہم معلومات دی ہیں۔
انوشکا شرما آخری بار ۲۰۱۸ء میں ریلیز ہونے والی شاہ رخ خان کی فلم ’زیرو‘ میں نظر آئی تھیں، جو باکس آفس پر بری طرح فلاپ ہو گئی تھی۔ بعد میں ۲۰۲۲ء میں نیٹ فلکس کی ڈرامہ فلم ’قلعہ‘ میں ان کا مختصر کردار بھی دیکھا گیا۔ لیکن لوگ ’چکدا ایکسپریس‘ دیکھنے کے لیے بے چین ہیں، جس میں اداکارہ نے ایک کرکٹر کا کردار نبھایا ہے۔ اب سوال یہ ہے کہ کیا یہ فلم کبھی ریلیز ہوگی یا نہیں؟

یہ بھی پڑھئے:’’مرزا پور دی فلم‘‘ کے بعدعلی فضل کو ایک اور ایکشن پروجیکٹ ملا

کیا انوشکا کی ’چکدا ایکسپریس‘ ریلیز ہوگی؟
انوشکا شرما کی ’چکدا ایکسپریس‘ کو پروسیت رائے نے ڈائریکٹ کیا ہے۔ شوٹنگ شروع ہونے سے پہلے انوشکا نے کرکٹ کی باریکیاں سیکھنا شروع کر دی تھیں۔ ۲۰۲۲ء میں شوٹنگ مکمل ہوئی، جس کے بعد۲۰۲۳ء میں پوسٹ پروڈکشن کا کام شروع ہوا۔ لیکن اس کے باوجود فلم اب تک ریلیز نہیں ہوئی۔

یہ بھی پڑھئے:بحرین میں ایران سے مبینہ روابط رکھنے والوں کی نگرانی سخت

اب اداکار دیبیندو بھٹاچاریہ سے فلم کے بارے میں پوچھا گیا کہ آیا یہ فلم ریلیز ہوگی یا نہیں۔ اس پر انہوں نے کہا کہ انہیں اس بارے میں کوئی معلومات نہیں ہیں۔ انہوں نے مزید کہا’’یہ سب چیزیں ہمارے ہاتھ میں نہیں ہوتیں۔ فلم تیار ہو چکی ہے۔‘‘ساتھ ہی انہوں نے یہ بھی واضح کیا کہ فلم سنسر بورڈ میں نہیں رکی ہے۔دیبیندو بھٹاچاریہ نے بتایا کہ وہ فلم کی ڈبنگ مکمل کر چکے ہیں اور فلم کا تمام کام ختم ہو چکا ہے۔ انہوں نے کہا کہ وہ اکثر ڈائریکٹر سے فلم کے بارے میں پوچھتے رہتے ہیں، لیکن ڈائریکٹر کا جواب بھی یہی ہوتا ہے کہ انہیں فلم کے مستقبل کے بارے میں کوئی اندازہ نہیں۔ دلچسپ بات یہ ہے کہ خود انوشکا شرما کی طرف سے بھی اس فلم پر کبھی کوئی اپڈیٹ نہیں دی گئی۔ یہاں تک کہ جھولن گوسوامی کو بھی نہیں معلوم کہ فلم کب ریلیز ہوگی۔