آیوشمان کھرانہ کی فلم ’’پتی پتنی اور وہ دو‘‘ کو سنیما گھروں میں ریلیز ہوئے ایک ہفتہ مکمل ہو چکا ہے۔ فلم کی کمائی کے تازہ اعداد و شمار سامنے آ گئے ہیں۔ باکس آفس کلیکشن کو دیکھ کر ایسا لگتا ہے کہ ناظرین اس فلم میں زیادہ دلچسپی نہیں دکھا رہے۔

 بالی ووڈ سپر اسٹار آیوشمان کھرانہ کی فلم’’پتی پتنی اور وہ دو‘‘ کو ریلیز ہوئے ۶؍ دن مکمل ہو چکے ہیں۔ اس فلم سے مداحوں کو کافی امیدیں تھیں، لیکن فلم کا کلیکشن یہ ظاہر کرتا ہے کہ یہ فلم شائقین کی توقعات پر پوری نہیں اتر سکی۔ ’’پتی پتنی اور وہ‘‘ ایک کامیاب فلم فرنچائز رہی ہے اور اس کی پہلی دو فلمیں سپر ہٹ ثابت ہوئی تھیں، مگر آیوشمان کھرانہ کی اس نئی فلم کے ساتھ ایسا دیکھنے کو نہیں مل رہا۔
اس فلم کی کمائی میں پچھلے حصے جیسی تیزی نظر نہیں آئی۔ ۲۰۱۹ءمیں ریلیز ہونے والی کارتک آرین کی فلم نے شاندار کمائی کی تھی اور ناظرین نے اسے کافی پسند کیا تھا۔ اب ۶؍ سال بعد آنے والی آیوشمان کھرانہ کی فلم کا حال کچھ خاص اچھا نہیں ہے۔ آئیے دیکھتے ہیں کہ ریلیز کے ۶؍ دنوں میں اس فلم نے کتنی کمائی کی ہے اور یہ ابھی اپنے بجٹ سے کتنی دور ہے۔
 پتی پتنی اور وہ دو نے کتنی کمائی کی؟
آیوشمان کھرانہ کی فلم’’پتی پتنی اور وہ دو‘‘ نے پہلے دن ۴؍ کروڑ روپے کی اوپننگ کی تھی۔ اس کے بعد فلم نے پہلے ویک اینڈ تک اچھی رفتار برقرار رکھی اور ویک ڈیز میں بھی مناسب کمائی کی۔ لیکن جس دھوم دھام سے یہ فلم ریلیز ہوئی تھی اور جیسا رسپانس آیوشمان کھرانہ کی کمرشل فلموں کو ملنا چاہیے، اس حساب سے اس فلم کی کمائی توقعات کے مطابق نہیں رہی۔
فلم نے ریلیز کے چھٹے دن ۷۵ء۲؍کروڑ روپے کا کلیکشن کیا۔ اس حساب سے،سیکنلک کی رپورٹس کے مطابق، فلم نے ۶؍ دن  میں ہندوستان میں ۲۷؍ کروڑ روپے کا نیٹ کلیکشن کر لیا ہے۔دوسری طرف، فلم نے گراس کلیکشن کے طور پر  ۰۷ء۳۲؍ کروڑ روپے کمائے ہیں۔ اگرچہ فلم کی کمائی ٹھیک ٹھاک چل رہی ہے، لیکن فلم کی اسٹار کاسٹ اور توقعات کے مطابق اسے بہتر نہیں کہا جا سکتا۔ فلم نے بیرون ملک سے بھی کچھ کمائی کی ہے۔ رپورٹس کے مطابق، اس کا اوورسیز کلیکشن  ۳۵ء۵؍ کروڑ روپے ہو چکا ہے، جبکہ فلم کا ورلڈ وائیڈ کلیکشن۴۲ء۳۷؍ کروڑ روپے تک پہنچ گیا ہے۔

یہ بھی پڑھئے:سلمان کی ڈانٹ کے بعد پاپارازی کے بدلے تیور، بھائی جان کو دیکھتے ہی معافی مانگنے لگے

 کارتک آرین کی ’’پتی پتنی اور وہ ‘‘ کا کیا حال تھا؟
 ۲۰۱۹ء میں کارتک آرین کی فلم ’’پتی پتنی اور وہ‘‘ ریلیز ہوئی تھی۔ اس فلم نے ناظرین کو خوب محظوظ کیا تھا اور  سیکنلک کی رپورٹس کے مطابق فلم نے ریلیز کے ۶؍ دنوں میں ہندوستان میں۹۷ء۵۰؍ کروڑ روپے کا کلیکشن کیا تھا۔ وہیں آیوشمان کھرانہ کی فلم کا ورلڈ وائیڈ کلیکشن ابھی ۴۰؍ کروڑ روپے بھی عبور نہیں کر سکا۔ اس لحاظ سے یہ کہنا غلط نہیں ہوگا کہ اس فلم کی کمائی کافی سست رفتار سے آگے بڑھ رہی ہے۔

یہ بھی پڑھئے:بینک قرض کی عدم ادائیگی پر فون مکمل بلاک یا غیر فعال نہیں کر سکتے: آر بی آئی

 بجٹ سے کتنی دور ہے آیوشمان کھرانہ کی فلم؟
آیوشمان کھرانہ کی فلم ’’پتی پتنی اور وہ دو‘‘ کا بجٹ رپورٹس کے مطابق ۵۰؍ سے ۶۰؍ کروڑ روپے بتایا جا رہا ہے۔ اس کے مقابلے میں فلم اب تک ۴۲ء۳۷؍ کروڑ روپے کی کمائی کر چکی ہے۔ یعنی فلم کو ابھی مزید جدوجہد کرنی ہوگی تاکہ وہ اپنے بجٹ سے آگے نکل سکے اور منافع کما سکے۔