بی جے پی نے راہل گاندھی پر الزام عائد کیا ہے کہ انہوں نے راجستھان اسمبلی انتخابات کے دن انتخابات کی گائیڈ لائنس کی خلاف ورزی کی ہے۔ پارٹی نے ای ڈی سے ان کے سوشل میڈیا اکاؤنٹ کو معطل کرنے اور ان کے خلاف کارروائی کا مطالبہ کیا ہے۔ بی جے پی نے مزید کہا ہے کہ انتخابات پینل بھی راجستھان کے چیف الیکشن آفیسر کو حکم جاری کرے گا کہ وہ راہل گاندھی کے خلاف مقدمہ درج کرے۔

بی جے پی نے کانگریسی لیڈر راہل گاندھی پرراجستھان اسمبلی انتخابات کے دن ایکس پوسٹ پر انتخابات کی گائیڈ لائنس کی خلاف ورزی کرنے کا الزام عائد کیا ہے اور ای ڈی پر زور دیا ہے کہ وہ کانگریسی لیڈر کے سوشل میڈیا اکاؤنٹ کو معطل کرنے کا مطالبہ کرے اوران کے خلاف دیگر کارروائیاں کرے۔

✅ राजस्थान चुनेगा मुफ्त इलाज
✅ राजस्थान चुनेगा सस्ता गैस सिलेंडर
✅ राजस्थान चुनेगा ब्याज मुक्त कृषि कर्ज़
✅ राजस्थान चुनेगा अंग्रेज़ी शिक्षा
✅ राजस्थान चुनेगा OPS
✅ राजस्थान चुनेगा जाति जनगणना

आज, बड़ी संख्या में जा कर, इस्तेमाल करें अपना मताधिकार।

चुनिए जनता की हितकारी,…

— Rahul Gandhi (@RahulGandhi) November 25, 2023

راہل گاندھی نے اپنے ایکس پوسٹ پر راجستھان کے عوام سے اپیل کی تھی کہ وہ کانگریس کا انتخاب کریںاور لکھا تھا کہ راجستھان مفت علاج، کم قیمت میںسلنڈر، سود کے بغیر زراعتی قرض ، انگریزی تعلیم ، او پی ایس اور مردم شماری کا انتخاب کرے گا۔دوسری جانب بی جے پی نے ای ڈی کو لکھا ہے کہ راہل گاندھی کی پوسٹ نے ۴۸؍ گھنٹوں کی خاموش مدت کی خلاف ورزی کی ہے جن میں کسی بھی قسم کی انتخابی مہم ممنوع ہے۔بی جے پی نے کانگریسی لیڈر پر عوامی نمائندگی ایکٹ اور ماڈل کوڈ آف کنڈکٹ کی خلاف ورزی کرنے کا الزام عائد کیا ہےاور ای ڈی سے ان کے خلاف کارروائی کرنے کا مطالبہ کیا ہے۔

یہ بھی پڑھئے: راہل گاندھی کو الیکشن کمیشن کا نوٹس

بی جےپی نےراہل گاندھی کے ایکس اکاؤنٹ کو معطل کرنے کے تعلق سے لکھا ہے کہ ایکس اوراس کے کارکنان کو بھی فوری طور پر اکاؤنٹ کو معطل کرنے اور اس طرح کے کانٹینٹ کو ختم کرنے کی ہدایت دی جاسکتی ہے جس سے الیکشن کے ۴۸؍ گھنٹے کی خاموش مدت کی خلاف ورزی ہو اورجس سے آزادانہ اور منصفانہ انتخابات کے اصولوں کو ناقابل تلافی نقصان پہنچے۔ بی جے پی نے مزید کہا ہے کہ انتخابات پینل بھی راجستھان کے چیف الیکشن آفیسر کو حکم جاری کرے گا کہ وہ راہل گاندھی کے خلاف مقدمہ درج کرے۔