اتر پردیش کے سہارنپور میں دل دہلا دینے والا واقعہ پیش آیا ہے۔ یہاں ایک شخص نے اپنی بیوی اور تین بچوں کو بے رحمی سے گولی مار دی۔

اتر پردیش کے سہارنپور میں دل دہلا دینے والا واقعہ پیش آیا ہے۔ یہاں ایک شخص نے اپنی بیوی اور تین بچوں کو بے رحمی سے گولی مار دی۔ اس واقعےمیں تینوں بچوں کی موت ہو گئی جبکہ خاتون کو ضلع اسپتال میں داخل کرایا گیا اس کے بعد اسے ہائر سنٹر ریفر کر دیا گیا، جہاں اس کی حالت نازک ہے۔ سہارنپور کے گاؤں سانگا ٹھیڈا میں بی جے پی کے ضلع یووا مورچہ کے سابق نائب صدر اور حال میں ضلع ایگزیکٹیو کے رکن یوگیش روہلا نے اپنے لائسنس یافتہ ریوالور سے اپنی اہلیہ نیہا(۴۰)، بیٹی شردھا(۱۱)، بیٹا دیوانش(۶)اور شیوانش (۵)کو گولی مار دی۔ گولی لگنے کے بعد شردھا کی موقع پر ہی موت ہو گئی۔واقعہ کی اطلاع ملتے ہی موقع پر پہنچی پولیس نے دونوں زخمی بیٹوں اور خاتون کو علاج کیلئے ضلع اسپتال میں داخل کروایا۔ اسپتال میں علاج کے دوران شیوانش اور دیوانش کی موت ہو گئی جبکہ ان دونوں کی ماں نیہا کی حالت نازک بتائی جا رہی ہے۔ پولیس نے یوگیش روہلا کو گرفتار کر لیا ہے۔واقعہ کے بارے میں ایس ایس پی سہارنپور نے بتایا کہ ایک شخص کے ذریعہ فون پر اطلاع دی گئی تھی کہ اس نے اپنی بیوی اور بچوں کو گولی مار دی ہے۔ اسے اپنی بیوی کے کردار پر شبہ تھا۔ اس لئے اس نے چاروں کو گولی مار دی۔