حکام نے بتایا ہے کہ یونانی جزیرے لزبوس کے قریب ایک مال بردار جہاز غرقاب ہوگیا ہے جس کے سبب جہاز کے عملے کے ۱۳؍افراد لا پتہ ہیں اور ایک مصری شخص کو بچایا گیا ہے۔ یہ جہاز استنبول سے اسکندریہ روانہ ہو رہا تھا۔ عملے میں ۸؍ مصری، ۴؍ ہندوستانی اور۲؍ شامی ہیں۔

حکام نے بتایا ہےکہ یونانی جزیرے لزبوس کے قریب ایک مال بردار جہاز غرق آب ہو گیا ہے جس کے سبب جہاز کے عملے کے ۱۳؍ افراد لاپتہ ہیں اور ایک شخص کوبچایا گیا ہے۔ کوسٹ گارڈ نے جہاز کے تعلق سے کہا کہ یہ جہاز استنبول، ترکی سےاسکندریہ ، مصر روانہ ہو رہا تھا۔ اس میں ۶؍ ہزار ٹن نمک تھا۔ جہاز کا عملہ ۱۴؍افراد پر مشتمل تھا جن میں ۸؍ مصری، ۴؍ ہندوستانی اور۲؍ سیریائی ہیں۔ انتظامیہ کے مطابق اتوار کو صبح ۷؍ بجے بحری جہاز نے تکنیکی مسئلہ کی رپورٹ ہمیں بھیجی تھی جس کے بعد اس کے سگنل خراب ہو گئے اور اس کے بعد جہاز جزیرہ لزبوس کے ۸؍ کلومیٹر جنوب مغرب میں غائب ہو گیا۔کوسٹ گارڈ کے ترجمان نے کہا کہ جہاز سے صرف ایک مصری کو بچایا جا سکا ہے۔انہوں نے مزید کہا کہ ۸؍ مارچنٹ جہاز، ایک یونانی جنگی جہاز اور ۲؍ ہیلی کاپٹرس کو زندہ بچ جانے والوں کی تلاش کیلئے روانہ ہو گئے ہیں۔سمندر کے خطرناک حصے کے سبب کوسٹل گارڈ کے تین جہازوںکو سمندر کے اس علاقے میں پہنچنے میں پریشانی کا سامنا کرنا پڑےگا۔