ماہرین کے مطابق سرمایہ کار امریکہ-ہندوستان تجارتی معاہدے سے پہلے گھبرا گئے۔

مقامی اسٹاک مارکیٹوں میں ہندوستان- امریکہ تجارتی معاہدے سے قبل سرمایہ کاروں کی احتیاط کے درمیان لگاتار دوسرے دن  جمعرات کو مارکیٹ کے اہم انڈیکس میں گراوٹ کے درمیان۳۰؍ بڑے اسٹاکس کا بی ایس ای سینسیکس تقریباً۱۷۰؍ پوائنٹس اور این ایس ای کا نفٹی۴۸؍ پوائنٹ کی معمولی گراوٹ کے ساتھ بند ہوئے۔ بی ایس ای سینسیکس بدھ کے مقابلے۱۷۰ء۲۲؍ پوائنٹس یا۰ء۲۰؍فیصد گر کر۸۳۲۳۹ء۴۷؍ پوائنٹس  پر بند ہوا اور نفٹی ۴۸ء۱۰؍ پوائنٹس یا۰ء۱۹؍ فیصد کی کمی کے ساتھ ۲۵۴۰۵ء۳۰؍ پر بند ہوا۔
 مارکیٹ تجزیہ کاروں کے مطابق امریکہ میں ٹرمپ حکومت کی جوابی درآمدی ڈیوٹی کی معطلی کی آخری تاریخ۹؍ جولائی کو ختم ہو رہی ہے اور اس سے قبل ہندوستان اور امریکہ کے درمیان دو طرفہ تجارتی معاہدے (بی ٹی اے) کے اعلان کا بھی انتظار ہے۔ ایسے ماحول میں سرمایہ کار محتاط ہیں اور جذبات مجموعی طور پر مندی کا شکار ہیں۔
 غیر ملکی ادارہ جاتی سرمایہ کاروں (ایف آئی آئی) کے مسلسل انخلاء، روپے کی قدر میں کمی اور ہندوستان-امریکہ تجارتی مذاکرات پر غیر یقینی صورتحال کی وجہ سے جمعرات کو ایکویٹی بینچ مارکس نے ابتدائی تجارت میں فائدہ کھو دیا اور بہت کم پر بند ہوا۔ ہفتہ وار فیوچر اور آپشن کنٹریکٹس کی میعاد ختم ہونے کی تاریخ پر نفٹی۲۰۰؍ پوائنٹس کی رینج میں اتار چڑھاؤ رہا۔بی ایس ای سینسیکس میں۱۱؍ اسٹاک معمولی سے تقریباً ایک فیصد اضافے کے ساتھ بند ہوئے جبکہ۱۹؍ اسٹاک نقصان کے ساتھ بند ہوئے۔ خسارے میں جانے والے ان اسٹاکس میں کمی برائے نام تھی۔ سینسیکس  ۸۳۵۴۰ء۷۴؍  پوائنٹس پر کھلا اور ۸۳۸۵۰ء۰۹؍ تک اور نیچے ۸۳۱۸۶ء۷۴؍ پوائنٹس پر گیا۔ کل سینسیکس ۸۳۴۰۹ء۷۴؍  پر بند ہوا۔سینسیکس میں بڑے فائدہ اٹھانے والوں میں ماروتی ۰ء۹۸؍ فیصد، انفوسس۰ء۵۱؍ فیصد، ایشین پینٹس۰ء۴۴؍ فیصد بڑھے۔ این ٹی پی سی، سن فارما، آئی ٹی سی، ایم اینڈ ایم، ٹاٹا موٹرز، ریلائنس اور ایچ ڈی ایف سی بینک بھی اضافہ کے ساتھ بند ہوئے۔ خسارے میں جانے والے اسٹاک میں ٹاٹا اسٹیل، آئی سی آئی سی آئی بینک، الٹراسیمکو، ٹیک مہندرا، بی ای ایل، ایکسس بینک، ایل اینڈ ٹی ایچ سی ایل ٹیک، بھاریتی ایئرٹیل، ٹی سی ایس اور ایس بی آئی بھی شامل ہیں۔