رپورٹ کے مطابق منافع دباؤ میں رہا۔ کرسیل کی رپورٹ کے مطابق دوسری سہ ماہی میں سیمنٹ اور ٹیلی کام کے شعبوں نے مضبوطی کا مظاہرہ کیا، لیکن آٹو، آئی ٹی اور فارماسیوٹیکل سیکٹر میں منافع کو بڑھتے ہوئے دباؤ کا سامنا کرنا پڑا۔

گھریلو درجہ بندی ایجنسی کرسیل  کی ایک نئی رپورٹ کے مطابق، جولائی-ستمبر ۲۰۲۵ء کی دوسری سہ ماہی میں ہندوستانی کمپنیوں(انڈیا انک )  کی کل آمدنی میں ۵؍ سے ۶؍ فیصد تک کا معمولی اضافہ دیکھا گیا  تاہم  اس مدت کے دوران کمپنیوں کے منافع میں تقریباً ۶۰؍ فیصد  کی کمی واقع ہوئی۔ کرسیل نے یہ تجزیہ  ۶۰۰؍ کمپنیوں کی کارکردگی پر مبنی ہے۔
رپورٹ کے مطابق پاور، کوئلہ، آئی ٹی سروسیز اور اسٹیل جیسے شعبوں نے توقع کے مطابق کارکردگی نہیں دکھائی۔ اس کے نتیجے میں محدود آمدنی میں اضافہ ہوا، جبکہ منافع پر مزید دباؤ پڑا۔سست ہونے والے شعبوں نے ترقی کو کم کیا۔کرسیل  کی ایک رپورٹ سے پتہ چلتا ہے کہ سست ترقی کا سامنا کرنے والے شعبے کل کارپوریٹ ریونیو کا ایک تہائی سے زیادہ حصہ رکھتے ہیں، جس سے مجموعی نمو متاثر ہوتی ہے  تاہم  نمو گزشتہ سہ ماہی، اپریل-جون کے مقابلے میں ایک فیصد پوائنٹ زیادہ تھی۔جغرافیائی سیاسی تناؤ نے آئی ٹی خدمات کے شعبے کو متاثر کرنا جاری رکھا، جس کے نتیجے میں پروجیکٹ التوا کا شکار ہوئے۔ رپورٹ کے مطابق اس شعبے کی آمدنی میں اضافہ صرف  ایک فیصد رہا۔ دریں اثنا، اسٹیل کے شعبے میں حجم میں ۹؍ فیصد اضافے کے باوجود، گرتی ہوئی قیمتوں کے نتیجے میں آمدنی میں محض۴؍فیصد اضافہ ہوا۔
پاور سیکٹر کی آمدنی میں صرف ایک  فیصد اضافہ ہوا۔ بھاری بارش (مانسون) اوسط سے ۱۰۸؍ فیصد اور قابل تجدید توانائی کی پیداوار میں ۱۰؍ فیصد اضافے نے کوئلے کی طلب کو کم کیا، جس کے نتیجے میں کوئلے کے شعبے میں تقریباً سپاٹ  ترقی ہوئی۔آٹو اور ایف ایم سی جی پر جی ایس ٹی کی شرح میں کمی کا عارضی اثرکرسیل انٹیلی جنس کے ڈائریکٹر پشن شرما نے کہا کہ ’’ گڈز اینڈ سروسیز ٹیکس (جی ایس ٹی) کی شرحوں کو معقول بنانے سے نئے اسٹاک کے لیے سستی قیمتوں کی صارفین کی توقعات میں اضافہ ہوا، جس سے مارکیٹ کی طلب پر عارضی طور پر اثر پڑا۔ خردہ فروشوں اور تقسیم کاروں نے ایف ایم سی جی کی خریداری ملتوی کردی جبکہ انوینٹری کی بڑھتی ہوئی سطح اور کمزور خردہ فروخت نے آٹو سیکٹر پر دباؤ ڈالا۔‘‘
شرما نے نوٹ کیا کہ اس مدت کے دوران دیہی معیشت میں بہتری دیکھی گئی۔ زبردست مانسون اور خریف کی فصلوں کے لیے کم از کم امدادی قیمت (ایم ایس پی) بڑھانے کے حکومتی فیصلے نے کسانوں کے حوصلے بلند کیے ہیں۔ اس کی وجہ سے ٹریکٹر اور دو پہیہ گاڑیوں کی فروخت میں اضافہ ہوا۔ ٹریکٹر مینوفیکچررز کی آمدنی میں ۳۶؍ فیصد اضافہ ہوا  جب کہ دو پہیوں والے طبقے میں ۹؍ فیصد اضافہ ہوا۔

یہ بھی پڑھئے:یو اے ای: ۵۴؍ ویں عید الاتحاد سے قبل ۵۴؍ بیمار بچوں کی خواہشات پوری کی گئیں

کئی شعبوں میں مارجن میں کمی دوسری سہ ماہی میں کمپنیوں کے لیے سب سے بڑا چیلنج منافع کو برقرار رکھنا تھا۔ کرسیل کے مطابق  آٹوموبائل، فارماسیوٹیکل اور ایلومینیم کے شعبوں میں کمپنیاں اپنے بڑھے ہوئے اخراجات کو مکمل طور پر صارفین تک پہنچانے سے قاصر تھیں۔رپورٹ کے مطابق  ایلومینیم کی قیمتوں میں۱۱؍ فیصد اضافے کی وجہ سے آٹو سیکٹر کے منافع کے مارجن میںایک  فیصد کی کمی واقع ہوئی۔