امریکی صدر ڈونالڈ ٹرمپ نے کہا ہے کہ وہ روسی صدر ولادیمیر پوتن کے ساتھ روس اور یوکرین کے درمیان ممکنہ امن معاہدے کی شرائط پر بات چیت کررہے ہیں۔

اقوام متحدہ کی جنرل اسمبلی کے اجلاس کے وقفے میں یوکرین کے صدر ولادیمیر زیلنسکی سے ملاقات کے دوران ٹرمپ نے کہا، ’’میرا خیال ہے کہ وہ کسی معاہدے پر پہنچنے والے ہیں اور میں یہ نہیں بتانا چاہتا کہ معاہدہ کیا ہوگا۔ ہم اس سلسلے میں کافی بات چیت کررہے ہیں جس میں صدر پوتن کے ساتھ ہونے والی بات چیت بھی شامل ہے اور میرا خیال ہے کہ کچھ نہ کچھ ضرور ہونا چاہئے۔‘‘امریکی صدر ڈونالڈٹرمپ نے یہ بھی کہا ،’’ یوکرین میں جاری تنازع کو حل کرنے کے لئے کسی معاہدے تک پہنچنا دونوں فریقوںکے مفاد میں ہے اور اس سے روس اور یوکرین دونوں کو فائدہ ہوگا۔‘‘