اس دیوالی پر اشیاء کی فروخت اور خدمات کو ملا کر ۶؍ لاکھ کروڑ روپے سے زیادہ کے کاروبار کا اندازہ لگایا گیا ہے۔ تاجروں کی سرکردہ قومی تنظیم کیٹ (سی اے آئی ٹی) کی منگل کوجاری کردہ رپورٹ میں کہا گیا ہے کہ دیوالی پر۴۰ء۵؍ لاکھ کروڑ روپے کی اشیاء اور ۶۵؍ ہزار کروڑ روپے کی خدمات کی فروخت ہوئیں۔

اس دیوالی پر اشیاء کی فروخت اور خدمات کو ملا کر ۶؍ لاکھ کروڑ روپے سے زیادہ کے کاروبار کا اندازہ لگایا گیا ہے۔ تاجروں کی سرکردہ قومی تنظیم کیٹ (سی اے آئی ٹی) کی منگل کوجاری کردہ رپورٹ میں کہا گیا ہے کہ دیوالی پر۴۰ء۵؍ لاکھ کروڑ روپے کی اشیاء اور ۶۵؍ ہزار کروڑ روپے کی خدمات کی فروخت ہوئیں۔
کیٹ نے ملک بھر کے ۶۰؍ اہم تقسیم مراکز، جن میں تمام ریاستوں کے دارالحکومت اور ٹئیر۲؍ اور ٹئیر۳؍ شہر شامل ہیں، پر مبنی رپورٹ میں بتایا ہے کہ اس سال دیوالی پر ملک بھر میں کل فروخت۰۵ء۶؍ لاکھ کروڑ روپے تک پہنچ گئی، اس میں۴۰ء۵؍ لاکھ کروڑ روپے کی اشیاء کی تجارت اور۶۵؍ ہزار کروڑ روپے کی خدمات کی تجارت شامل ہے۔ یہ ملک کی تجارتی تاریخ کا اب تک کا سب سے بڑا تہواری (فیسٹیول) کاروبار ہے۔
دہلی کے چاندنی چوک لوک سبھا سیٹ سے رکن پارلیمنٹ اور کیٹ کے قومی جنرل سکریٹری پروین کھنڈیلوال نے بتایا کہ وزیر اعظم نریندر مودی کی ووکَل فار لوکل اور سوَدیشی دیوالی کی اپیل کا اثر واضح طور پر دیکھا گیا اور ۸۷؍ فیصد صارفین نے ہندوستانی مصنوعات کو غیر ملکی اشیاء کے مقابلے میں ترجیح دی، جس کی وجہ سے چینی مصنوعات کی مانگ میں کمی دیکھی گئی۔

یہ بھی پڑھئے:امریکہ ۔ چین تجارتی جنگ: معاہدہ یا۱۵۵؍ فیصد ٹیرف، شی جن پنگ سے ملاقات سے قبل ٹرمپ کا انتباہ

تاجروں نے بتایا کہ سو دیشی مصنوعات کی فروخت گزشتہ سال کے مقابلے میں ۲۵؍ فیصد بڑھی ہے، رپورٹ کے مطابق گزشتہ سال دیوالی پر۲۵ء۴؍ لاکھ کروڑ روپے کی اشیاء فروخت ہوئی تھیں۔ اس سال اس میں ۲۵؍ فیصد کا اضافہ دیکھا گیا، جس میں بنیادی طور پر غیر کارپوریٹ اور روایتی بازاروں نے کل کاروبار میں ۸۵؍ فیصد حصہ دیا، کیٹ کے قومی صدر بی سی بھارتیہ نے بتایا کہ کل فروخت میں کیرانہ اور ایف ایم سی جی مصنوعات کا حصہ ۱۲؍ فیصد، سونا- چاندی کا۱۰؍ فیصد، الیکٹرانکس اور برقی آلات کا ۸؍ فیصد، کنزیومر ڈیوریبلز کا ۷؍ فیصد، ریڈی میڈ ملبوسات کا۷؍ فیصد، تحفے کی اشیاء کا۷؍فیصد، ہوم ڈیکور کا ۵؍ فیصد، فرنیچر و سجاوٹ کا ۵؍ فیصد، مٹھائی و نمکین کا ۵؍ فیصد، کپڑوں کا۴؍ فیصد، پوجا کی اشیاء کا  ۳؍ فیصد، پھل و خشک میوہ جات کا ۳؍فیصد، بیکری و کنفیکشنری کا ۳؍فیصد، جوتوں کا۲؍ فیصد اور دیگر اشیاء کا۱۹؍ فیصد حصہ رہا۔انہوں نے بتایا کہ خدمات کے شعبے میں ۶۵؍ہزار کروڑ روپے کے کاروبار میں پیکیجنگ، میزبانی، ٹیکسی خدمات، سفر، ایونٹ مینجمنٹ، خیمہ و سجاوٹ، مین پاور اور ڈیلیوری جیسے شعبوں میں بھی غیر معمولی سرگرمی دیکھنے کو ملی۔